Elimizde 2020 jyldyń qańtar-shilde ailarynda qaǵaz jáne qaǵaz ónimderin óndirý kólemi ótken jyldyń osy kezeńimen salystyrǵanda úsh esege artyp, 48,3 mlrd teńgege jetti, dep habarlaidy Energyprom.kz portaly.
Byltyrǵa arnalǵan ónerkásip óndirisiniń indeksi 115,7%-dy qurady (bir jyl buryn – 99,1% bolǵan).
Salystyrý úshin aita ketsek, 2019 jyly qaǵaz óndirisi 66,8 mlrd teńgege jetip, jyldyq ósim 14,6%-dy quraǵan.
Qazaqstannyń óńirleri arasynda qaǵaz jáne qaǵaz ónimderin shyǵarý boiynsha qańtar-shilde ailary boiynsha Almaty oblysy kósh bastap tur: 12,2 mlrd teńge, jyldyq ósim – 11,4%. Odan keiingi orynda Almaty qalasy tur: 11,4 mlrd teńge, jyldyq ósim – 18,6%. Úzdik úshtikti Aqmola oblysy túiindegen. Bul óńirde qaǵaz óndirisi 32 esege artyp, 9,5 mlrd teńgege jetken.
Jekelep alsaq, ótken jyldyń qańtar-shilde aiymen salystyrǵanda ásirese ájethana qaǵazy óndirisi 26,5%-ǵa, 23,3 myń tonnaǵa artty.
Sonymen qatar gofrlengen qaǵazdan nemese kartonnan jasalǵan qoraptar, jáshik pen sómkeler óndirisi 20,2%-ǵa, 61,7 myń tonnaǵa ulǵaiǵan.
Sondai-aq oralǵan nemese paraq túrindegi gofrlengen perforatsiialanǵan qaǵaz ben karton (17,9 myń tonnaǵa deiin) jáne qol oramaldar men kosmetikalyq salfetkalar (2,1 myń tonnaǵa deiin) óndirisi 26,5% - ǵa qysqardy.
