Elimizde azamattyǵy joq 7 myń adam anyqtaldy, dep habarlaidy QazAqparat.
«COVID-19» indeti azamattyǵy joq adamdardyń jaǵdaiyn odan ári qiyndata tústi. Sebebi jeke basyn kýálandyratyn qujat bolmaǵan soń, ol azamatqa meditsinalyq nemese áleýmettik kómek kórsetilmeidi», - dedi Azamattyǵy joq máseleler jónindegi óńirlik keńesshi, BUU Bosqyndar isteri jónindegi joǵary komissar basqarmasynyń Ortalyq Aziia boiynsha ókili Roman Marin Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, Qazaqstan aýmaǵynda ótken jyldyń qazan aiynan bastap azamattyǵy jáne jeke kýáligi joq azamattardy anyqtaýǵa arnalǵan birlesken aktsiia ótti.
«Biz Qazaqstan Respýblikasynda ár adamnyń jeke quqyǵy qorǵalyp, onyń azamattyǵyn zańdastyrýda barlyq múmkindik qarastyrylǵanyna senimdimiz. Ótken jyldyń sońynda Qazaqstan aýmaǵynda azamattyǵy joq 7 myń adam tirkeldi. Aityp ótken jón, «azamattyǵy joq» mártebesin resmi túrde alǵan adam, zań aiasynda óz quqyǵyn qorǵap, azamattyǵy bar adamdarmen birdei múmkindikterdi qoldana alady. Qazaqstanda bul baǵyttaǵy jumystardy IIM quzyrly jáne úkimettik emes uiymdarmen birlesip atqaryp jatqan eńbegi óz jemisin berip jatyr. Biz de óz tarapymyzdan azamattyǵy joq adamdarǵa jan-jaqty qoldaý kórsetýge ázirmiz», - deidi ol.
