Qaiǵyly oqiǵa saldarynan kisi ólimi kóp tirkelgen jaǵdaida elimizde aza tutý kúni jariialanady. Qazaqstan tarihyndaǵy sondai qaraly kúnderdiń biri – erteńgi 28 jeltoqsan bolmaq.
Qazaqstanda ulttyq aza tutý kúnin respýblika prezidenti jariialaidy. Aza tutý kúnin jariialaýdyń naqty bir talaby joq. Sheshim oqiǵa kezinde qabyldanýy múmkin. Ádette kisi ólimi kóp tirkelse, teraktiler men asa kórnekti qairatkerler ómirden ozǵanda, ózge de qaiǵyly jaǵdailar kezinde aza tutý kúni jariialanady.
Aza tutý kúni bir kúnnen birneshe kúnge sozylýy múmkin.
Qazaqstanda aza tutý kúni memlekettik organdar men jergilikti atqarýshy organdardyń, shekaralyq diplomatiialyq mekemelerdiń ǵimarattaryndaǵy Memlekettik tý tómen túsiriledi. Kóńil kóteretin sharalar men telebaǵdarlamalar toqtatylady.
Eske sala ketsek, QR Prezidenti Qasym-Jomart Toqaev 2019 jyldyń 28 jeltoqsanyn jalpyulttyq aza tutý kúni dep jariialady.
«Prezident Qasym-Jomart Toqaev Almaty mańynda ushaq apatynan adamdardyń qaza bolýyna bailanysty 2019 jyldyń 28 jeltoqsanyn jalpyulttyq aza tutý kúni dep jariialady» delingen habarlamada.
Sondai-aq, Aqordanyń resmi saitynda Qazaqstan Respýblikasynda jalpyulttyq aza tutý kúnin jariialaý týraly Jarlyq shyqty.
