Ádilet organdarynyń taýar tańbalaryna quqyqtardy qorǵaý boiynsha tekserý qyzmeti aiasynda 236 quqyq buzýshylyq anyqtaldy, aiyppul somasy 14 mln teńgeden asty. Bul týraly búgin Ádilet ministrliginiń alqa májilisinde málim boldy, dep habarlaidy QazAqparat.
Ziiatkerlik menshik obektilerin tirkeý statistikasy 2019 jyly taýar belgilerin halyqaralyq tirkeýdi qosa alǵanda, ónerkásiptik menshik obektilerine 11 679 qorǵaý qujatyn qurady. Avtorlyq quqyq salasynda 6 184 kýálik tirkelgen, bul 2018 jylmen salystyrǵanda 43 paiyzǵa artyq (4 314).
Belgili bolǵandai, zańsyz ainalymnan jalpy somasy 22 mln teńgeni quraityn 31 myńnan astam kontrafaktilik ónim alyndy.
2019 jyly apelliatsiialyq alqanyń shyǵarylǵan sheshimderiniń 90 paiyzy sotqa deiingi qaraý satysynda sot organdaryna odan ári shaǵymdanýsyz sheshildi.
Eske sala keteiik, 2019 jylǵy mamyrda EAEO-ǵa múshe memleketterdiń aýmaqtarynda avtorlardyń quqyqtaryn aýmaqtyq qamtamasyz etýge baǵyttalǵan Avtorlyq jáne sabaqtas quqyqtardy ujymdyq negizde basqarý tártibi týraly kelisimi ratifikatsiialandy.
2019 jylǵy qyrkúiekte Eýraziialyq patenttik vedomstvosymen birlesip, Eýraziialyq keńistikte biryńǵai ónerkásiptik úlgini qorǵaýdyń óńirlik júiesin qurý maqsatynda 1994 jylǵy Eýraziialyq patenttik konventsiiaǵa Ónerkásiptik úlgilerdi qorǵaý týraly hattamaǵa qol qoiý boiynsha diplomatiialyq konferentsiia ótkizildi.
