Foto: FreePik
Qazaqstanda kelesi jyldan bastap avtorlyq quqyqtardy ujymdyq basqarýǵa arnalǵan Biryńǵai tsifrlyq platforma iske qosylady, dep habarlaidy Ult.kz.
Ádilet vitse-ministri Botagóz Jaqsylyqovanyń aitýynsha, bul platforma avtorlar men kontent jasaýshylarǵa óz týyndylarynyń qoldanylýyn onlain rejimde baqylaýǵa, qalamaqynyń eseptelýi men bólinýin qadaǵalaýǵa, sondai-aq ashyq esep alýǵa múmkindik beredi.
– Búginde kóptegen avtorlar men olardyń muragerleri ózderine tiesili qalamaqynyń múlde nemese tolyq kólemde tólenbeitinin aityp, jii shaǵymdanady. Tsifrlyq platforma bul protsesti avtomattandyryp, ashyq etedi. Avtorlar óz týyndysy qaida, qansha ret oryndalǵanyn kóre alady. Sonymen qatar, bul júie kafe, meiramhana ieleriniń de múddesin qorǵaidy – olar naqty qandai shyǵarma qansha ret oryndalǵanyn bilip, soǵan sai tólem júrgize alady, – dedi vitse-ministr.
Bul bastama avtorlyq quqyqty qorǵaýdy nyǵaityp, shyǵarmashylyq ielerine ádil ári ashyq júie qalyptastyrýdy kózdeidi.
