Kóktemde tasjoldardyń konstrýktivtik elementteriniń júk kóterý múmkindigi tómendeitindikten jeke biligine 8 tonnadan asa júkteme túsiretin júk kólikteriniń qozǵalysyna shekteý engizildi, dep habarlaidy QR IIDM baspasóz qyzmeti.
Óńirlerdiń tabiǵi-klimattyq erekshelikterine bailanysty shekteý túrli ýaqytta engiziledi.
Atap aitqanda, 1 naýryz ben 1 sáýir aralyǵynda Almaty, Atyraý, Jambyl, Qyzylorda, Mańǵystaý jáne Túrkistan oblystarynda jáne Qaraǵandy oblysynyń Jezqazǵan óńiriniń joldarynda júk kólikteriniń qozǵalysyna shekteý engiziledi.
23 naýryz ben 1 mamyr aralyǵynda Shyǵys Qazaqstan, Aqmola, Aqtóbe, Batys Qazaqstan, Qostanai, Pavlodar, Soltústik Qazaqstan jáne Qaraǵandy oblystarynyń joldary aýyr júk tasyǵysh kólikterdiń qozǵalysy úshin jabyq bolady
