Qazaqstan Respýblikasy Táýelsizdiginiń 30 jyldyǵyn merekeleý aiasynda aýyldyq jerlerde turatyn azamattardyń ómir súrý sapasy men ál – aýqatyn jaqsartý maqsatynda 1 qazannan bastap «Aýyldyń gúldenýi-Qazaqstannyń gúldenýi» marafony bastaldy.
Marafon otandyq aýyl sharýashylyǵy ónimderiniń básekege qabilettiligin arttyrý, halyq qolóneriniń elementterin saqtaý jáne kórsetý, aýyldardy turaqty damytý maqsatynda ótkiziledi, dep habarlaidy Aýyl sharýashylyǵy ministrliginiń baspasóz qyzmeti.
Is-shara aiasynda otandyq óndirýshilerdiń aýyl sharýashylyǵy salasyndaǵy jetistikteri men ónimderiniń kórme-jármeńkelerin uiymdastyrý, derekti filmder túsirý, aýyl eńbekkerleriniń, eńbek erleriniń, ǵalymdardyń, aýyl jáne aýdandardyń qurmetti azamattarynyń qatysýymen aýyl ómiri týraly maqalalar jariialaý josparlanýda.
Jergilikti atqarýshy organdar tarapynan uiymdastyrylatyn is-sharalar negizinen aýyl sharýashylyǵy taýarlaryn ishki jáne syrtqy naryqtarǵa shyǵarýǵa, azamattardy aýyl sharýashylyǵy salasynda qol jetkizilgen jetistiktermen tanystyrýǵa, qazaqstandyq memlekettilikti saqtaýǵa jáne nyǵaitýǵa, Qazaqstan azamattarynyń birlik jáne patriotizm sezimderin kúsheitýge baǵyttalatyn bolady.
«Is-sharalar epidemiologiialyq jaǵdaidy eskere otyryp, 2021 jylǵy 1-31 qazan aralyǵynda qalalarda, aýdandar men aýyldarda ótkiziletin bolady», - delingen habarlamada.
