Foto: kzvesti.kz
Úkimet otyrysynyń qorytyndysy boiynsha ótken baspasóz máslihatynda QR tsifrlyq damý, innovatsiialar jáne aeroǵarysh ónerkásibi vitse-ministri Dmitrii Mýn internetke qol jetkizýi qiyn eldi mekenderdi qamtamasyz etý jónindegi jumystyń barysy týraly aitty, dep habarlaidy Ult.kz.
«Bizde 6 myń eldi meken bar, olar internetke qol jetkizý qiyn dep belgilengen. Búgingi tańda 2,5 myńnan astamy internetpen qamtamasyz etilgen. "Qazaqtelekom" kompaniiasymen qol qoiylǵan kelisimniń nátijesinde biz eki jyl boiy barlyq qalǵan aýyldardy qosyp, jetýi qiyn aýyldardy qamtýdyń 90%-dan astamyna qol jetkizýge tiispiz. Sondai-aq Starlink jáne OneWeb spýtnikteri arqyly aýyldardy internetke qosý jumystary júrgizilýde», — dedi Dmitrii Mýn.
«Qazaqtelekom» kompaniiasynyń basqarma tóraǵasynyń m.a. Abylaihan Ospanov jańa jobanyń iske qosylýy týraly aityp berdi.
«Biz «Aýyl online» jobasyn ázirledik jáne 3 myń aýyldy joǵary jyldamdyqty internetke qosý boiynsha mindettemeler júkteldi. Osy jumystyń nátijesinde bólingen eldi mekenderde bailanys sapasyn jaqsartý kózdelgen», — dep atap ótti Abylaihan Ospanov.
Onyń aitýynsha, jaqyn arada kompaniianyń saitynda osy eldi mekenderdiń tizimi ornalastyrylady. Bul jumystardy tiimdi júrgizý úshin oblystyń ár ákimimen memorandýmdarǵa qol qoiylady.
Bul olardyń osy jobany júzege asyrýǵa járdemdesýi úshin jasalady, óitkeni kóptegen máseleler jergilikti atqarýshy organdarǵa bailanysty, mysaly kabeldi basqarýǵa, antennany ornatýǵa ruqsat berý jáne taǵy basqalar.
