Respýblikadaǵy astyq saqtalatyn jalpy syiymdylyq 27,5 million tonnany qurap otyr. Bul týraly Úkimet otyrysynda QR Aýyl sharýashylyǵy ministriniń mindetin atqarýshy Erbol Qarashókeev málim etti, dep habarlaidy QazAqparat.
«Ministrlik elevatorlardyń jańa astyq ónimin qabyldaýǵa daiyndyǵyna turaqty monitoring júrgizip otyrady. Respýblikadaǵy astyq saqtalatyn jalpy syiymdylyq 27,5 million tonnany, onyń ishinde astyq qabyldaý kásiporyndarynda 12 million tonnany, aýyl sharýashylyǵy taýaryn óndirýshilerde 15,5 million tonnany quraidy. Kórsetilgen saqtaý syiymdylyǵy ótken jyldardaǵy aýyspaly qaldyq kólemin eskersek, boljamdy túsimdi saqtaý úshin jetkilikti» - dedi Erbol Qarashókeev.
Onyń aitýynsha, qazirgi kezdegi basty mindet – ósirilgen ónimdi ysyrapsyz jinaý.
«Qazgidromet boljamy boiynsha kúzde respýblikanyń basym bóliginde jaýyn-shashyn qalypty mólsherde bolady, soltústik-shyǵysta qalyptydan joǵary mólsherde bolýy múmkin ekenin eskerý qajet. Osyǵan bailanysty árbir qolaily kúndi tiimdi paidalaný, jumysty toqtatpaý, múmkin bolsa, egin jinaityn tehnikanyń eki aýysymdyq jumysyn uiymdastyrý arqyly ónimdilikti joǵarylatý sharalaryn qoldaný kerek. Oblystar ákimderinen bul máseleni erekshe baqylaýda ustaýdy suraimyz», - dedi Erbol Qarashókeev.
