Parlament Májilisinde «Áskeri politsiia organdary týraly» jáne «Qazaqstan Respýblikasynyń keibir zańnamalyq aktilerine áskeri politsiia organdary máseleleri boiynsha ózgerister men tolyqtyrýlar engizý týraly» zań jobalary tanystyryldy, dep habarlaidy QazAqparat.
Qorǵanys ministriniń orynbasary Sultan Qamaletdinovtyń aitýynsha, «Áskeri politsiia organdary týraly» zań jobasy Qarýly Kúshterdegi quqyq tártibin nyǵaitýǵa baǵyttalǵan fýntsiialardy bekitý, áskeri politsiia organdary qyzmetiniń mindetteri men ókilettikterin keńeitýge negizdelgen.
«Áskerilerdiń jaraqat alýy men ólimi jaǵdailaryna jol bermeý jáne aldyn alý maqsatynda áskeri qyzmet pen eńbek qaýipsizdigin qamtamasyz etý boiynsha júieli jumysty uiymdastyrý qajettigi týyndady. Osyǵan bailanysty zań jobasynda áskeri qyzmettiń qaýipsizdigin qamtamasyz etýdi uiymdastyrý úshin vedomstvolyq qadaǵalaý fýnktsiiasyn bekitý qarastyrylyp otyr», - dedi Qorǵanys ministriniń orynbasary.
Onyń sózine qaraǵanda, qazirgi kezde Qarýly Kúshterdiń áskeri politsiiasy oryndaityn birqatar fýnktsiialar men mindetter zańnamalyq deńgeide reglamenttelmegen.
Sonymen qatar, qoǵamdyq qaýipsizdik salasynda mindetterdi tiimdi oryndaý maqsatynda áskeri politsiia organdary áskerileriniń quqyqtaryn keńeitý usynylyp otyr. Osy oraida olarǵa áskeri bólimsheler men mekemelerde áskeriler men azamattyq personal tulǵalarynyń jeke basyn kýálandyratyn qujattarǵa tekserý júrgizý, áskerdiń qatysýymen ótetin buqaralyq is-sharalar ornyna kireberiste adamdardyń zattaryn, kólikterin jáne ótkizetin júkterin tekserý, qyzmettik mindetin oryndaý kezinde beinejazba tehnikalyq quraldaryn (videotirkegish penvideojeton) paidalaný quqy berilmek.
Munymen qosa, beibitshilikti qoldaý boiynsha halyqaralyq missiialarda, onyń ishinde BUU missiialaryna áskeri politsiia ókilderiniń qatysýyn retteý maqsatynda zań jobasynda tiisti túzetý eskerilgen.
