Qazaqstanda «ashyq aspan» rejimi bar qalalar tizimi keńeitiledi. Bul jaiynda QR Premer-Ministri Asqar Maminniń Májilis depýtattarynyń saýalyna bergen jaýabynda aitylǵan, dep habarlaidy "Ult aqparat".
Úkimet basshysynyń atap ótýinshe, Memleket basshysynyń tapsyrmasyna sáikes, 2019 jyldyń 1 qarashasynan Qazaqstannyń 11 áýejaiynda, atap aitqanda Nur-Sultan, Almaty, Shymkent, Aqtaý, Qaraǵandy, Óskemen, Pavlodar, Kókshetaý, Taraz Petropavl jáne Semei qalalarynda reisterdiń sany boiynsha shekteýlerdi alyp tastaldy jáne qazaqstandyq tasymaldaýshylar júzege asyrmaityn baǵyttar boiynsha sheteldik aviakompaniialarǵa 5 dárejeli «aýa erkindigin» usynýdy kózdeitin «ashyq aspan» rejimi engiziledi. Bul rejimniń qoldanys merzimi 3 jyldy quraidy jáne uzartylýy da múmkin.
«Birinshi kezeńniń qorytyndysyn eskere otyryp, qalalar tizilimin keńeitý jáne 5 dárejeli «aýa erkindigi» boiynsha barlyq shekteýlerdi alyp tastaý josparlanyp otyr. Indýstriia jáne infraqurylymdyq damý ministrligi Qazaqstanǵa reister oryndaýǵa múddelik tanytatyn kez kelgen sheteldik aviakompaniiaǵa Atyraý qalasynda turaqty halyqaralyq reister oryndaýǵa arnalǵan qosymsha quqyqtar usyný múmkindigin qarastyrýǵa daiyn», - dep atap ótedi Premer-Ministr.
