Biyl qyrkúiek aiynda KAZGUU Ýniversiteti bazasynda «Jýrnalistika: analitika jáne zertteý» mamandyǵy ashylady. Bul týraly KAZGUU Basqarma tóraǵasy Talǵat Nárikbaev atalǵan bilim berý baǵdarlamasynyń tusaýkeserinde aityp berdi, dep habarlaidy "Ult aqparat".
Bilim baǵdarlamasynyń tusaýkeserine Qazaqstan Respýblikasynyń Aqparat jáne qoǵamdyq damý vitse-ministri Kemelbek Oishybaev, respýblikalyq basylymdardyń bas redaktorlary jáne jetekshi buqaralyq aqparat quraldarynyń ókilderi men media-menedjerler qatysty.
«Bizdiń zertteýlerimiz boiynsha, elimizde bir jyl ishinde 34 joǵary oqý ornynan 1000-nan astam jýrnalist daiarlanyp shyǵady. Biraq jýrnalistika salasynda qyzmet etetin túlekter kórsetkishi 60%-ǵa jetpeidi. Demek, joǵary oqý oryndarynda oqý protsesi áli jetildirilmegen, áli de qiyndyqtar bar. KAZGIýÝ myqty ýniversitet bolǵandyqtan, jýrnalistika mamandyǵy der kezinde ashylýda. Aldaǵy ýaqytta jańa mamandyqqa ministrlik tarapynan qoldaý kórsetýge ázirmiz», - dep atap ótti Qazaqstan Respýblikasynyń Aqparat jáne qoǵamdyq damý vitse-ministri Kemelbek Oishybaev.
«Analitikalyq jýrnalistikanyń bolýy — jalpy álemdik úrdis jáne ýaqyt talaby. Atalǵan bilim baǵdarlamasyn tańdaǵan stýdentter quqyq, ekonomika salasynda keń bilim alyp, tiisti aqparatty izdeý, taldaý jáne irikteý, fakt-cheking daǵdylaryn meńgerip, jýrnalistik zertteýler júrgizetin bolady», - dep qorytyndylady Talǵat Nárikbaev.
