Áleýmettik mańyzy bar taýar naryqtary boiynsha tekserý is-sharalarynyń jańa qadamdary bastaldy. Bul týraly Úkimet otyrysynda Básekelestikti qorǵaý jáne damytý agenttiginiń tóraǵasy Serik Jumanǵarin aitty, dep habarlaidy QazAqparat.
«Agenttik barlyq áleýmettik mańyzy bar taýar naryqtary boiynsha tekserý is-sharalarynyń jańa kesheni bastalǵanyn habarlaidy. Áleýmettik mańyzy bar azyq-túlik taýarlary, janar-jaǵarmai jáne qurylys materialdary naryqtarynan basqa, bul - uialy bailanys, internet qyzmetteri, dárilik zattar, meditsinalyq buiymdar, zerthana qyzmetteri, turǵyn úi-kommýnaldyq sharýashylyq, domofondar, lift, basqarýshy kompaniialar, billingtik qyzmetter naryqtary. Tólem uiymdary qyzmetteriniń baǵalaryn, ásirese kommýnaldyq qyzmetterge, memlekettik monopoliialar qyzmetterine, memlekettik jáne jekeshe operatorlardyń qyzmetterine aqsha aýdarý kezinde tómendetý boiynsha sharalar qabyldanatyn bolady», - dedi Jumanǵarin.
Onyń aitýynsha, shaǵymdardyń kóptigine bailanysty, munai ónimderin, suiytylǵan gaz, elektr energiiasyn ótkizý kezinde taýar birjalaryn qosa alǵanda, barlyq mańyzdy jumys istep turǵan saýda alańdary baǵalyq sóz bailasý jáne saýda-sattyqqa qol jetkizýdi shekteý turǵysynan tekseriledi.
«Osylaisha, halyq úshin barlyq mańyzdy taýar naryqtarynda baǵalardy keshendi tómendetý jumystary jalǵastyrylatyn bolady», - dedi agenttik basshysy.
