Foto: pibig.info
Sinoptikter 21-23 qyrkúiekte aýa raiy qandai bolatyny týraly boljam jasady, - dep habarlaidy "Ult aqparat".
Meteorologtar málimetinshe, aldaǵy kúnderi aýa-raiynyń turaqsyz sipaty eldiń soltústiginde, shyǵysynda, ońtústiginde, ońtústik-shyǵysynda áli de saqtalady. Naizaǵai oinap, ekpindi jel soǵyp, burshaq jaýady. Sondai-aq eldiń ońtústik-shyǵysyndaǵy taýly aimaqtarda jańbyr men jylbysqy qar túrinde jaýyn-shashyn bolady dep boljanyp otyr.
"21 qyrkúiekte ońtústikte, 21-23 qyrkúiekte shyǵysta, 21-22 qyrkúiekte eldiń ońtústik-shyǵysynda jáne ońtústik-shyǵystyń taýly aimaqtarynda qatty jaýyn-shashyn kútiledi. Tek Qazaqstannyń batysynda, soltústik-batysynda Batys antitsiklonynyń yqpalymen jaýyn-shashynsyz aýa raiy bolady.
Eldiń batysynda, soltústiginde jáne ortalyǵynda túngi jáne tańerteńgi ýaqyttarda tuman bolady dep boljanýda. Odan bólek soltústik, soltústik-batys jáne ortalyq aimaqtarda túnde topyraq betinde 1 gradýsqa deiin úsik kútiledi.
Respýblikanyń batys oblystarynda aýa temperatýrasy kúndiz 24-30-ǵa deiin, eldiń soltústik-batysynda 15-27-ge deiin kóteriledi, respýblikanyń soltústiginde 10-16-ǵa deiin tómendeidi, ortalyqta negizgi fon 10-23 jyly bop, shyǵysta 10-15-ke deiin tómendeidi, ońtústikte 20-28-ge deiin joǵarylaidy, ońtústik-shyǵysta 12-22-ge deiin, taýly aýdandarynda 2-10 gradýsqa deiin tómendeidi" - delingen habarlamada.
