Biyl aqyly júie I-sanattaǵy avtojoldardyń 5 ýchaskesinde iske qosylady, dep habarlaidy "Ult aqparat" «Qazavtojol»»UK» AQ-nyń baspasóz qyzmetine silteme jasap.
Aktsionerlik qoǵam taratqan aqparattarǵa qaraǵanda, aqyly júie «Batys Eýropa-Batys Qytai» (Qainar-Taraz, Taraz-Shymkent, Shymkent-Qyzylorda, Shymkent-Tashkent), Shýchinsk-Kókshetaý, Qapshaǵai-Taldyqorǵan (Taldyqorǵan q.ainalma joly), Nur-Sultan-Pavlodar, Aqtaý-Jetibai-Jańaózen jáne Nur-Sultan, Qaraǵandy, Pavlodar qalalarynyń ainalma joldaryna engiziledi.
Qazirgi tańda jumys toby atalǵan ýchaskelerge qyzmettik saparlar uiymdastyryp, olardyń jaǵdaiyn tekserip jatyr. Júrip ótken jol úshin tólemaqy ýchaskeniń tehnikalyq sanatqa tolyq sáikestigi qamtamasyz etilgennen keiin ǵana alynatyn bolady.
Jańa aqyly ýchaskelerdegi tólemaqy mólsheri qoldanystaǵy aqyly joldarǵa (Nur-Sultan-Shýchinsk, Nur-Sultan-Temirtaý, Almaty-Qapshaǵai, Almaty-Qorǵas) sáikes esepteledi. Qazirgi tólem mólsherlemeleri 2013 jyly engizilip, ózgeriske ushyramaǵanyn jáne tarifti qymbattatý máselesi qarastyrylmaǵanyn habarlaimyz:
Jeńil kólikter úshin 1 shaqyrym úshin 1 teńge. Aqyly ýchaskege qarasty eldi mekende tirkelgen jeńil avtokólik ielerine quny 1000 teńgeni quraityn bir jyldyq abonement bar;
Avtobýstar otyratyn oryn sanyna bailanysty 1 shaqyrym úshin 5 teńgeden 15 teńgege deiin, qalaaralyq jáne jergilikti reistik avtobýstar tólemaqydan bosatylǵan;
Júk kólikteriniń júk kótergishtigine bailanysty 1 shaqyrym úshin 5 teńgeden 25 teńgege deiin.
Aqyly joldardy engizý barysynda jol boiyndaǵy infraqurylym da eskeriledi. Bul júrgizýshiler men jolaýshylardyń qolailyǵy úshin salynatyn keshender. Demalys alańdary, turaqtar, qonaq úiler, sýpermarketter, dárethanalar, dárihanalar jáne t.b.
«2024 jyldyń sońyna deiin respýblikalyq mańyzy bar avtojoldardyń, sonymen qatar, aqyly ýchaskelerdiń boiynda 134 keshenniń qurylysy týraly «GasEnergy», «QazTransGaz», «Compass», «Sinooil», «PetroRetail» men «M-36» jelilik janar-jaǵarmai quiý beketterimen kelisimderge qol qoiyldy»,-delingen habarlamada.
