Aqyly joldardan jyl saiyn jinalatyn qarjy 4 mlrd teńgeden asty.
Bul týraly Úkimet otyrysynda «Nurly jol» baǵdarlamasynyń iske asý barysyn talqylaý kezinde QR Indýstriia jáne infraqurylymdyq damý ministri Beibit Atamqulov málim etti, dep habarlaidy "Ult aqparat".
«2013 jyly uzaqtyǵy 211 shaqyrym bolatyn «Nur-Sultan – Shýchinsk» alǵashqy aqyly avtojoly qoldanysqa engizildi, sol ýchaskede jylyna 1 mlrd teńgeden astam qarajat jinalady, ol osy ýchaskeni kútip ustaý shyǵynynyń ornyn toltyrady. Qazirgi ýaqytta, aqyly joldardyń uzaqtyǵy 682 shaqyrymǵa deiin artty («Nur-Sultan – Shýchinsk» (211 km), «Nur-Sultan – Temirtaý» (134 km), «Almaty – Qapshaǵai» (42 km), «Almaty – Qorǵas» (295 km) jáne jyl saiynǵy jinalatyn qarajat 4 mlrd teńgeden astam bolady. Bul osy aqyly ýchaskelerdi kútip ustaýda biýdjetti únemdeýge múmkindik beredi», - dedi ministr.
Onyń sózine qaraǵanda, avtojoldy paidalanýshylarǵa sapaly jol boiyndaǵy servispen qamtamasyz etý maqsatynda qoldanystaǵy 1 822 nysannyń 1 myńy Ulttyq standartqa sáikestendirildi. Biýdjet jáne jeke kapital esebinen qosymsha 73 nysan salyndy. Bul jumystar aldaǵy ýaqytta odan ári júrgiziletin bolady.
