Kelesi jyldan bastap elimizdegi aqyly joldar sany kóbeiip, búginde birqatar óńirde respýblikalyq mańyzy bar avtobandarǵa jolaqy jinaityn júie ornatylyp jatyr. Aqyly joldardyń qataryna «Shymkent –Tashkent» joly da engizilip, synaq rejiminde osy júiege qosylǵan, dep habarlaidy "Ult aqparat".
QR Indýstriia jáne infraqurylymdyq damý ministri Beibit Atamqulovtyń aitýynsha, investitsiialyq baiqaýdyń qorytyndysy boiynsha 3 birdei kompaniiamen kelisimge qol qoiylǵan. Olar uzyndyǵy 11 myń shaqyrym bolatyn joldarda aqy jinaý júiesin qosýmen jáne qyzmet kórsetýmen ainalysady.
Biyl mundai qurylǵylar elimizdegi joldardyń 5,8 myń shaqyrym ýchaskisine ornatylǵan. Atap aitsaq, «Aqtóbe – RF sh-sy (Orynborǵa)», «Oral – RF sh-sy (Saratovqa)», «Oral – RF sh-sy (Samaraǵa)». «Atyraý – Dossor – Beineý – Aqjigit – Ózbekstan sh-sy», «Taraz – Qainar», «Qostanai – RF (Troitskke)», «Pavlodar – RF sh-sy (Ombyǵa), «Qapshaǵai – Taldyqorǵan», «Nur-Sultan – Qostanai», «Nur-Sultan – Pavlodar», «Pavlodar – Semei», «Oral – Aqtóbe», «Aqtóbe – Qarabutaq».
Joldyń qalǵan 5,2 myń shaqyrymynda qaita qurý jumystarynyń aiaqtalýyna qarai, 2024 jylǵa qarai iske qosý josparlanyp otyr.
Jyl sońyna deiin 99 baqylaý arkasy ornatylyp, olar tolyqtai investordyń qarajatyna salynbaq. Árbir baqylaý arkasynda tirkeý jáne sholý jasaityn kameralar, ónerkásiptik kompiýter men apparattyq shkaf, lazerlik qashyqtyq ólsheýish pen úzdiksiz qýat berý kózi retindegi litii-iondy akkýmýliatorlar bolady.
Sala mamandary kei jerlerde kún batareialarymen balamaly qýat kózderi qoiylyp, uialy bailanys ta qamtamasyz etiletinin atap ótýde. Budan bólek, jol qaýipsizdigin eskergen mamandar elimizde IRAP halyqaralyq baǵalaý júiesi engiziletinin aitady.
QR Indýstriia jáne infraqurylymdyq damý ministri Beibit Atamqulov jaǵdaidy retteý úshin Dúniejúzilik banktiń qoldaýymen Shvetsiianyń SweRoad kompaniiasymen jáne Qazaq jol qozǵalysy qaýipsizdigi ǵylymi-zertteý institýtymen kelisimshartqa qol qoidy. Joba aiasynda 6200 shaqyrym qalalyq jáne respýblikalyq mańyzy bar avtomobil joldary baǵalaýdan ótkizilmek. Baǵalaý túsirilimderin «Jol aktivteri sapasy ulttyq ortalyǵy» RMK bilikti mamandary oryndamaq. Olar ár 100 metr saiyn joldy 50-den astam parametr arqyly ólshep, tirkeidi. 5 baldyq shkala boiynsha avtomobil ishindegi jol júrisine qatysýshylarǵa, sondai-aq jaiaý júrginshilerge, mototsikl júrgizýshilerine jáne velosipedshilerge bólek taǵaiyndalady. Baǵalaý aiaqtalǵannan keiin árbir joldyń reitingi anyqtalady. Osylaisha jol apattaryn, ólim-jitimdi azaitý úshin, kemshilikterdi joiý úshin is-sharalar qolǵa alynbaq. Oǵan arnaiy investitsiialyq jospar jasalmaq. Aita keteiik, elimizde ótken jyly 2373 adam jol apatynan kóz jumǵan. Bul degenimiz, árbir 100 myń adamnyń 13-i jazym bolyp jatyr degen sóz.
