Memlekettik organdardyń aqparattyq júielerindegi kemshilikti tapqan qazaqstandyqtarǵa syiaqy beriledi. Bul týraly Ortalyq kommýnikatsiialar qyzmetindegi baspasóz máslihatynda aityldy, dep habarlaidy QazAqparat.
«BugBounty aqparattandyrý nysandarynda aqparattyq qaýipsizdik boiynsha qoǵamdyq baqylaý tetigi engizilip otyr. Qazaqstanda aqparattyq qaýipsizdik salasynda táýelsiz zertteýshiler jasai alatyn áleýetti damytý júrip jatyr. Qazirgi kezde 275 zertteýge qatysýshy tirkeldi. 2020 jyldyń jeltoqsanynan qazirgi ýaqytqa deiin júie osaldyǵy men kemshiligi týraly málimetpen 172 esep kelip tústi. 1 mln teńge somasyna 11 esep boiynsha tólem jasaldy», - dedi QR Tsifrlyq damý, innovatsiialar jáne aeroǵarysh ónerkásibi ministrligi Aqparattyq qaýipsizdik komitetiniń tóraǵasy Rýslan Ábdiqalyqov.
Óz kezeginde «WebTotem» JShS direktory Oljas Satiev BugBounty baǵdarlamalary Mail.ru, Yandex. GOOGLE, UBER sekildi kóptegen uiymdarda iske qosylǵanyn atap ótti.
«Eger qandai da bir zertteýshi, ádepti haker jeliniń osal tustaryn anyqtasa, osy kemshilikter jaiynda habarlap, aqshalai syiaqy alady. Qazaqstanda biz biregei baǵdarlamany iske qostyq, azamattardyń barsha memlekettik júielerdegi kemshilikterdi habarlaýǵa múmkindigi bar», - dedi O. Satiev.
Onyń aitýynsha, banktermen jumys isteý úshin osy tektes júie Ulttyq bankpen birlese pysyqtalyp jatyr.
«Qazirgi ýaqytta Qazaqstan boiynsha kóptegen ádepti hakerler mańyzdy infraqurylymda, bankterdegi kemshilikterdi kórsetti», - dedi «WebTotem» JShS direktory.
