Qazaqstanda Atom elektr stantsiiasyn salý týraly sheshim 2022 jyly qabyldanady. Bul týraly energetika vitse-ministri Jandos Nurmaǵanbetov málimdedi, - dep habarlaidy Tengrinews.kz agenttigi.
"Qurylys máselesi qarastyrylyp jatyr. Esepteýler kórsetkendei, Qazaqstanda Ekologiialyq kodekske sáikes jańa generatsiia salý qajet. Kómirteksiz generatsiia - oǵan atom da jatady. Sondyqtan atom stantsiiasyn salý máselesi qarastyrylyp jatyr. Biraq orny, kólemi áli anyqtalǵan joq. Sheshim 2022 jyly belgili bolady dep oilaimyn", - dedi Nurmaǵanbetov Senat otyrysynda jýrnalisterdiń saýaldaryna jaýap berip.
Onyń aitýynsha, qaralyp jatqan oryndarǵa Almaty oblysyndaǵy Úlken eldi mekeni men Shyǵys Qazaqstan oblysyndaǵy Kýrchatov qalasy, Qazaqstannyń batysyndaǵy oblystar kiredi. Vitse-ministr eldiń batysynda buryn atom elektr stantsiiasy jumys istegenin aitty.
Nurmaǵanbetovke damyǵan elder, Germaniia kerisinshe, atom energiiasynan bas tartyp jatqan kezde Qazaqstan nelikten AES salýdy josparlap otyr degen suraq qoiyldy.
"Iá, Germaniianyń mysaly tańǵaldyrady. Biraq kórshiles Frantsiia, kerisinshe, 20 jańa reaktor salý jumystaryn kúsheitti. Ár el ózinshe tańdaidy. Finliandiia, Belarýs, Shvetsiia, Birikken Arab Ámirlikteri, Túrkiia - qazir álemde 50 reaktor salynyp jatyr. Jasyl energiiaǵa 100 paiyz kóshý múmkin emes. Álemniń eshbir elinde mundai joq. Munyń bárin retteitin tehnologiia joq. Jel, kún stantsiialarynyń óndirisi maýsymǵa, táýlikke táýeldi. Ár saǵatta ne bolatynyn boljaý múmkin emes. Sondyqtan turaqty elektr energiiasy bolýy úshin óndiris pen tutynýdyń tepe-teńdigin qamtamasyz etý qajet. Sondyqtan rettei alatyn stantsiia qajet", - dep túsindirdi vitse-ministr.
Kómir zaýyttarynan bas tartýmen bailanysty taǵy bir másele bar - álemde ziian shyǵyndylarǵa salynatyn salyqtyń ósýi.
"Kómirtegi salyǵy engizilip jatyr, iaǵni qazaqstandyq eksporttaýshylarda problema bar - metallýrgiia, tipti munai salasy da elektr energiiasyna súienedi. Barlyq eksport taýarlaryna salyq salynady. Biz bul taýarlardy sata almaimyz jáne jumyspen qamtamasyz ete almaimyz. Osy qaǵidattarǵa súiene otyryp, máseleler talqylanyp jatyr", - dedi Nurmaǵambetov.
