Qazaqstanda 9 aida 63 myńnan astam kólik shyǵaryldy. Bul kórsetkish ótken jyldyń sáikes kezeńimen salystyrǵanda 25,5% joǵary, dep habarlaidy QazAqparat QR IIDM baspasóz qyzmetine silteme jasap.
Olardyń basym bóligin jeńil avtomobilder óndirisi qurap, atalǵan kezeńde 55 016 kólik shyǵarylǵan. Sondai-aq, 6971 júk tehnikasy, 872 avtobýs, 489 tirkeme jáne jartylai tirkeme, 211 mamandandyrylǵan tehnika óndirildi.
Shyǵarylǵan avtokólikterdiń jartysyna astamy «Saryarqaavtoprom» kásipornyna tiesili. Qostanai zaýytynda 38 309 jeńil, júk avtomobilderi men avtobýstar óndirildi.
Almatydaǵy Hyundai Trans Kazakhstan kompaniiasy 19585 avtokólik, Semeidegi SemAZ 3 155 kommertsiialyq tehnika, Kókshetaýdaǵy «KAMAZ Injiniring» 1 115 júk kóligin, Hyundai Trans Auto 586 kommertsiialyq avtokólik, Daewoo Bus Kazakhstan 207 tehnika, Saran qalasyndaǵy QazTehna jańa zaýyty Yutong 143 avtobýs shyǵardy.
Qazaqstandaǵy kásiporyndarda igerilgen eń tanymal brendter bestigi (eksportty qosa alǵanda): Chevrolet (23 556 birlik), Hyundai (19 643 birlik), Kia (6 871 birlik), JAC (4 488 birlik) jáne GAZ (3 149 birlik).
Qazaqstanda shyǵarylǵan avtomobilder eksporty salany damytý úshin strategiialyq mańyzdy bolyp qala beredi. 2021 jyldyń 9 aiynda daiyn avtomobilderdi jetkizý 43% artyp, 52,4 mlrd teńgege 7 816 kólik shetelge shyǵaryldy. Olardyń negizgi bóligi Reseige (4 346 birlik), Ózbekstanǵa (2 968 birlik), Belarýske (398 birlik), Qyrǵyzstanǵa (102 birlik) jáne Ázirbaijanǵa (2 birlik) satylǵan.
