Shaǵyn jáne orta kásipkerler úshin kreditterdi tóleý merzimi keiinge shegerildi. Bul týraly Premer-ministr Asqar Mamin málimdedi, dep habarlaidy Sputnik Qazaqstan.
Sonymen qatar ol ShOB sýbektileri úshin 1 sáýirden 1 maýsymǵa deiin eńbekaqy tóleý qorynan ustalatyn barlyq salyqty tóleý merzimi keiinge shegerilgenin atap ótti. Bul bizneske shamamen 200 milliard teńgeni saqtaýǵa múmkindik berdi.
Salyq jáne kedendik bereshekti májbúrlep óndirip alý 2021 jyldyń 1 shildesine deiin toqtatyldy.
"Bul kásipkerlerge ainalym kapitalyn toltyrý úshin qosymsha 279 milliard teńgeni jumsaýǵa múmkindik jasaidy", - dedi Mamin.
Úkimet basshysy Ulttyq ekonomika ministrligine Ekonomikalyq ósýdi qalpyna keltirý týraly jańartylǵan keshendi jospardyń ýaqytyly oryndalýyn qamtamasyz etýdi tapsyrdy.
Sonymen qatar biznesti salyqtyq yntalandyrý jónindegi zańnamalyq túzetýler paketi qabyldanyp, 1 maýsymǵa deiin Parlamentte tiisti jumys júrgizilýge tiis ekenin aitty.
