Úkimet basshysynyń orynbasary Eraly Toǵjanov Qazaqstanda 72 myń kásipker 10 paiyzdyq jeke tabys salyǵynan bosatylatynyn málimdedi, dep habarlaidy QazAqparat.
«Tórtinshiden Úkimet tarapynan azyq-túlik pen halyqqa qajetti taýarlarmen qamtamasyz etý joldary tolyǵymen qarastyrylǵan. Bul jumystarǵa búgin de 32 mlrld teńgeden astam aqsha bólý josparlanýda. Onyń shiinde respýblikalyq biýdjetten 14,8 mlrd teńge, qalǵany jergilikti biýdjetten aýdarylady. Qajetti taýarlardyń baǵasyn kóterý faktileri kezdesken jaǵdaida qatań túrde zańdy sharalar qoldanylatyn bolady», - dedi Eraly Toǵjanov Úkimettiń baspasóz ortalyǵynda ótken onlain rejimdegi brifing barysynda.
Úkimet basshysynyń orynbasary kásipkerlerdi qoldaý maqsatynda salyqtardyń birqatar túrine jeńildikter qarastyrylǵanyn jetkizdi.
«Olar - shaǵyn jáne orta biznestiń jekelegen sanattary úshin, onyń ishinde saýda-oiyn saýyq ortalyqtary, kinoteatrlar men kórmeler, jeke múlik tólenetin salyqtar da, salyq boiynsha qaryzdaryn tóleýdi ýaqytsha toqtatý. Jalpy tártipte jumys isteitin 72 myń kásipkerdi jyldyń aiaǵyna deiin 10 paiyzdyq jeke tabys salyǵynan bosatý kózdelgen. Bul sharalar qarjy jaǵdaiy nasharlaǵan biznes ókilderin qoldaý úshin jasalady», - dedi ol.
