Qazaqstanda 7 mln-ǵa jýyq adam vaktsinanyń 1-komponentin aldy. Bul týraly QR Densaýlyq saqtaý birinshi vitse-ministri Marat Shoranov aitty, dep habarlaidy QazAqparat.
«Sońǵy aida respýblikada koronavirýs infektsiiasynyń taralý indeksi 17 paiyzǵa tómendedi. Infektsiialyq tósek-oryn júktemesi 56-dan 36 paiyzǵa deiin azaidy. Sonymen qatar reanimatsiialyq tósek-oryndardyń da 45 paiyzdan 36 paiyzǵa deiin tómendeýi baiqalady», - dedi ol Ortalyq kommýnikatsiialar qyzmetindegi baspasóz máslihatynda.
Sonymen qatar ol elimizde halyqty vaktsinatsiialaý jumysy júrgizilip jatqandyǵyn atap ótti.
«Búginde vaktsinanyń 1 jáne 2-komponentiniń 12,6 mln-nan astam dozasy qoldanyldy. Onyń ishinde 1-komponent alǵandar sany 7 mln-ǵa jaqyndap qaldy. Naqtyraq aitar bolsaq, 6 mln 928 myń adam ekpe aldy. Bul halyqtyń ekpe alýǵa jatatyn tobynyń 69,5 paiyzyn quraidy. Ekinshi komponentpen 5 mln 755 myń adam qamtyldy. Ekpe pýnktterinde vaktsinanyń shamamen 1 mln 540 myń doza 1-komponenti jáne 880 myń 2-komponenti bar»,- dedi Marat Shoranov.
