Jyl basynan beri 50 myńǵa jýyq jup egov.kz portaly arqyly nekelerin tirkep, otbasyn qurdy, dep habarlaidy "Ult aqparat" «Azamattarǵa arnalǵan úkimet» memkorporatsiiasyna silteme jasap.
Nekeni tirkeýdiń onlain joly óte ońai. Nekelerin zańdy túrde rásimdeimin degen jas jubailar egov.kz portalynyń qyzmetine júginýi tiis, ol úshin ekeýiniń de elektrondy tsifrlyq qoltańbasy (qosymsha mobildi azamattar bazasynda tirkeýi) bolýy tiis. Kúieý jigit portalǵa kirip, qyzmetti tańdaǵannan keiin, bolashaq jary men óziniń jeke sáikestendirý nómirin engizedi. Keiin ol nekeleri tirkeletin jergilikti atqarýshy organnyń tirkeý bólimin tańdap, qyzmet qunyn tóleýi tiis.
Budan keiin qalyńdyq ta portalǵa kirip, «Qyzmetterdi alý tarihy» taraýyn tańdap, ótinishti elektrondy tsifrlyq qoltańbasymen rastaidy. Nekeni tirkeý kúni jáne orny týraly habarlama portaldaǵy jeke kabinetke keledi.
Erli-zaiyptylardyń tirkeýin jaýapty organ ótinish berilgen kúnnen bir ai ótken soń júrgizedi.
Aita keteiik, portal arqyly ótinishti 18 jastan asqan, nekege alǵash ret turǵaly jatqan jandar ǵana bere alady.
