QR Premer-Ministri Asqar Mamin Úkimettiń Tsifrlyq keńsesinde ortalyq memlekettik organdar basshylarynyń jáne óńirler ákimderiniń qatysýymen áleýmettik mańyzy bar azyq-túlik taýarlarynyń (ÁMAT) baǵalaryn retteý máseleleri jóninde keńes ótkizdi, dep habarlaidy "Ult aqparat" primeminister.kz saityna silteme jasap.
Biylǵy qarashada qabyldanǵan sharalar esebinen azyq-túlik infliatsiiasynyń ósý qarqyny jyldyq mánde 0,4 paiyzdyq tarmaqqa 0,9%-ǵa deiin, al jalpy infliatsiiada 0,2 paiyzdyq tarmaqqa 8,7%-ǵa deiin tómendedi.
Ótken aptada Qazaqstanda áleýmettik mańyzy bar azyq-túlik taýarlary baǵasynyń jalpy ósý indeksi 0,0%-dy qurady. 15 óńirde baǵanyń ósýi tirkelgen joq, 3 óńirde: Nur-Sultan qalasynda 0,2%-ǵa, Pavlodar jáne Mańǵystaý oblystarynda 0,1%-ǵa baǵanyń tómendeýi baiqalady.
Besinshi apta qatarynan qaraqumyq (-0,6%), qant, sábiz, taýyq eti men kúrish (-0,1%) baǵasynyń tómendeýi baiqalady. Qalǵan ónimderdiń baǵalary turaqty.
«Ainalym shemasyn» qarjylandyrýdyń nysanaly deńgeii el boiynsha 99,4%-ǵa qamtamasyz etildi. «Ainalym shemasy» boiynsha alǵa qoiylǵan mindetter Nur-Sultan, Almaty jáne Shymkent qalalarynda, Almaty, Shyǵys Qazaqstan, Jambyl, Batys Qazaqstan, Qostanai, Pavlodar, Soltústik Qazaqstan jáne Túrkistan oblystarynda oryndaldy. Qyzylorda jáne Mańǵystaý oblystarynda júrgizilip jatqan jumystardyń tómen deńgeii tirkeldi.
Ótken aptada Básekelestikti qorǵaý jáne damytý agenttigi Qostanai jáne Almaty oblystaryndaǵy rojki, un, qus eti naryǵy sýbektileriniń atyna baǵalyq sóz bailasý jáne ústem jaǵdaidy teris paidalaný belgileriniń bolýy týraly 6 eskertý jiberdi.
Mańǵystaý, Shyǵys Qazaqstan jáne Atyraý oblystarynda óndirýshilermen, kóterme jetkizýshilermen jáne saýda jelilerimen saýda ústemesin 15%-dan 10%-ǵa deiin tómendetý týraly monopoliiaǵa qarsy komplaenstiń 23 aktisi jasaldy. Jalpy, respýblika boiynsha monopoliiaǵa qarsy komplaenstiń 183 aktisi jasaldy.
Premer-Ministr ortalyq memlekettik jáne jergilikti atqarýshy organdarǵa qoldanystaǵy barlyq quraldardy paidalaný arqyly áleýmettik mańyzy bar azyq-túlik ónimderiniń baǵasyn turaqtandyrý jáne tómendetý sharalaryn odan ári oryndaýdy tapsyrdy.
Óńirlerdiń ákimdikterine turaqtandyrý qorlarynda bes ailyq azyq-túlik qoryn qalyptastyrý, azyq-túlik ónimderine shekti baǵalardy belgileý, sondai-aq deldaldyq shemalardy tekserý jónindegi óńirlik komissiialardyń qyzmetin jandandyrý tapsyryldy.
Aita keteiik, jiynda qazirgi jaǵdai men atqarylyp jatqan jumystar týraly saýda jáne integratsiia ministri Baqyt Sultanov, aýyl sharýashylyǵy ministri Erbol Qarashókeev, Básekelestikti qorǵaý jáne damytý agenttiginiń tóraǵasy Serik Jumanǵarin baiandady.
