Sanitarlyq-epidemiologiialyq baqylaý komitetiniń basshysy Aijan Esmaǵambetova vaktsinatsiiadan keiin virýs juqtyrǵan naýqastardyń qandai ekpe túrin alǵanyn aitty, dep habarlaidy "Ult aqparat".
«Búgingi tańda vaktsina alǵannan keiin koronavirýspen aýyrýdyń 4 765 jaǵdaiy tirkelip otyr. Birinshi kezeńnen keiin 2 384 jaǵdai, ekinshi kezeńnen keiin 2381 jaǵdai bolǵan. Bul jalpy vaktsina alǵandardyń 0,09 paiyzy ǵana. «Spýtnik V» vaktsinasynyń birinshi komponentimen 2048, ekinshi komponentimen 2 101 jaǵdai (0,09 paiyz), Hayat-Vax – 246 jáne 221 (0,09 paiyz), CoronaVac - 45 jáne 11, QazVac – 41 jáne 45 jaǵdai tirkeldi», - dedi komitet basshysy ortalyq kommýnikatsilar qyzmetinde ótken brifingide.
Aijan Esmaǵambetova qai óńirde qandai vaktsina túrleri qalǵany týraly da málimet usyndy.
«Búginde 582 141 birinshi komponenttiń dozasy, 1 mln 194 myń ekinshi komponent dozasy bar. CoronaVac vaktsinasynyń 20 myń birinshi komponent dozasy bar. Barlyq óńirde ár túrli mólsherde. Eń kóbi - Mańǵystaý oblysynda. Tek Shyǵys Qazaqstan jáne Aqtóbe oblystarynda joq. «Spýtnik V» ekpesiniń 581 myń birinshi komponent dozasy barlyq óńirde bar. QazVac-tyń 3000 dozasy bar. Mańǵystaý jáne Atyraý oblystarynda kóp. Almaty, Jambyl, Qaraǵandy jáne Túrkistan oblystarynda bul vaktsina qalǵan joq. «Sinofarmnyń» 6 286 birinshi komponent dozasy qaldy. Bul vaktsinanyń bári tek Mańǵystaý oblysynda», - dedi Sanitarlyq-epidemiologiialyq baqylaý komitetiniń basshysy.
