Koronavirýstyń delta shtamy Qazaqstannyń barlyq óńirinen anyqtaldy jáne halyqtyń 46,5%-y vaktsina saldyrdy. Bul týraly QR DSM Infektsiialyq aýrýlardy epidemiologiialyq qadaǵalaý basqarmasynyń basshysy Roza Qojapova aityp berdi, dep habarlaidy QazAqparat.
«Álemde delta (úndi) shtamynyń taralýyna bailanysty QR aýmaǵynda koronavirýs infektsiiasymen aýyratyn naýqastardan alynǵan oń zerthanalyq synamalarǵa skrining júrgiziledi. 2021 jylǵy 1 shildedegi jaǵdai boiynsha úndi shtamyn anyqtaýǵa 414-ten astam synama skriningi júrgizildi, nátijesinde 48%-da jáne barlyq oblystarda, Nur-Sultan, Almaty jáne Shymkent qalalarynda úndi shtamm anyqtaldy», - dedi R. Qojapova Ortalyq kommýnikatsiialar qyzmetinde ótken baspasóz máslihatynda.
DDSU málimetteri boiynsha, búginde delta shtamy álemniń 104 elinde anyqtalǵan. Qazirgi ýaqytta halyqty KVI-ge qarsy vaktsinalaýǵa kóp kóńil bólinýde.
«Elimizde vaktsinanyń birinshi komponentin 4 601 830 adam salǵyzdy, bul tiisti halyqtyń 46,5%-yn quraidy. Ekinshi komponentti 2 541 853 adam aldy. Búgingi tańda vaktsinalaý beketterinde ekpe sany jetkilikti – birinshi komponenttiń shamamen 753 myń dozasy, ekinshi komponenttiń 1 mln 280 myńnan astamy bar. Osy sátti paidalanyp, vaktsinalaýdyń juqpaly aýrýlardyń aldyn alýdyń eń tiimdi ádisteriniń biri ekenine halyqtyń nazaryn aýdarǵym keledi. Barshańyzdy múmkindiginshe meditsinalyq sebepter bolmaǵan jaǵdaida, egý pýnktterine baryp, vaktsina alýǵa shaqyramyn», - deidi Roza Qojapova.
