Qazgidromet respýblikanyń ońtústigi men ońtústik-batysynda qatty ystyq bolatynyn habarlady.
Boljam boiynsha, aldaǵy úsh kúnde eldiń soltústiginde jańbyr jaýyp, naizaǵai oinaidy, jel soǵady. Mundai aýa raiy atmosferalyq aýa aǵymdarynyń ótýimen bailanysty.
"24 shildede Qazaqstannyń batysynda, 24-25 shildede soltústik-batysta, 25-26 shildede soltústikte naizaǵai jarqyrap, nóser jaýyn jaýady, ekpindi jel soǵady, burshaq, daýyl boljanýda", - delingen habarlamada.
Ońtústik pen ońtústik-batysta aýa raiy jaýyn-shashynsyz, ystyq bolady.
Kúndiz ońtústikte, ońtústik-batysta aýa temperatýrasy 38-46 gradýsqa deiin, ońtústik-shyǵysta, shyǵysta jáne ortalyqta 38-42 gradýsqa deiin kóteriledi dep kútilýde.
Al soltústikte, kerisinshe, 32-40 gradýstan birtindep 20-30 gradýsqa deiin túsedi.
