Jyl saiyn Qazaqstanda 30 myńǵa jýyq aýtopsiia júrgiziledi, dep habarlaidy "Ult aqparat" M.S. Nárikbaev atyndaǵy KAZGIýÝ eniversitetiniń baspasóz qyzmetine silteme jasap.
Bul týraly sot-meditsinalyq sarapshy Frants Galitskii QR keibir zańnamalyq aktilerine sot-saraptama qyzmeti máseleleri boiynsha ózgerister men tolyqtyrýlar engizý týraly» zań jobasyn talqylaý jónindegi onlain-dóńgelek ústel barysynda aitty.
Onyń aitýynsha, bul kórsetkish elimizdiń sot-saraptamalyq quramy úshin aitarlyqtai júkteme jáne birqatar aimaqtarda kadrlardyń jetispeýshiligi baiqalady. «Aýtopsiia, iaǵni máiitti soiý sanyn azaitsaq, maman jetispeýshiligi máselesin sheshemiz», – deidi dáriger Galitskii.
Dúniejúzilik banktiń «Sot tóreligi sektoryn institýtsionaldyq nyǵaitý – sot saraptamasyn kúsheitý» jobasynyń úilestirýshisi, M.S. Nárikbaev atyndaǵy KAZGIýÝ Ýniversitetiniń provosty Sergei Penniń pikirinshe, virtýaldy 3D-aýtopsiia dástúrli aýtopsiiaǵa balama bola alady.
«Qazaqstan Respýblikasynyń Ádilet ministrligi eksperimenttik shara retinde tomograftyń kómegimen 3D-aýtopsiiany engizýdi josparlap otyr. Tehnikalyq turǵydan alsaq shyǵyny az emes, sondyqtan elimizdiń barlyq óńirinde birden qoldaný qiynǵa soǵady. 3D aýtopsiia kezinde denege pyshaq timei adam óliminiń negizgi sebebi anyqtalady. Zertteý barysynda onyń ishki aǵzalaryna zaqym kelmeidi», – dep habarlady Sergei Pen onlain dóńgelek ústelde.
Májiliske engizilgen zań jobasy Qazaqstannyń sot saraptamalyq qyzmetin reformalaý jolyndaǵy úlken qadam ekenin eskere kele, QR Ádilet ministrligi Saraptama qyzmetin uiymdastyrý departamentiniń direktory Timýr Isabekov 3D aýtopsiia jeke sot-saraptama qyzmetiniń júiesin neǵurlym tiimdi etetinin atap ótti.
