Kásipkerler quqyǵyn qorǵaý – agenttiktiń basym baǵyttarynyń biri. Bul týraly QR Sybailas jemqorlyqqa qarsy is-qimyl agenttiginiń tóraǵasy Alik Shpekbaevtyń óńirge jumys sapary barysynda málim etildi, dep habarlaidy "Ult aqparat".
Alik Shpekbaev jumys saparynyń ekinshi kúni memlekettik organdar, qarjy institýttary, tabiǵi monopoliialar sýbektileri, «Azamattarǵa arnalǵan úkimet» memlekettik korporatsiiasy ókilderiniń qatysýymen «Bizneske arnalǵan úkimet» front-keńsesiniń múmkindikterimen tanysty.
Munda «bir tereze» qaǵidaty boiynsha bizneske qajetti barlyq qyzmet kórsetý úderisi ortalyqtandyrylǵan.
«Biznesti qorǵaý jáne qoldaý – agenttiktiń basty basymdyqtarynyń biri. Tek biylǵy jyldyń on aiynda biz 300-ge jýyq kásipkerdiń quqyǵyn qorǵap, memlekettik organdardyń kásipkerlik qyzmetke zańsyz aralasýynyń 160 dereginiń jolyn kestik», – dedi A.Shpekbaev.
Agenttik tóraǵasy sondai-aq «Protecting business and investments» jobasy aiasynda jemqorlyqqa qarsy súiemeldenetin «Kýblei» jáne «Kvant» kásiporyndarynyń óndiristik tynys-tirshiligimen jáne ónimderimen tanysty. Aita ketý kerek, eki jyl ishinde óńirde jalpy quny 853 mlrd teńgeni quraityn jobalardy jemqorlyqqa qarsy súiemeldeý týraly 22 kelisimge qol qoiyldy.
«Elbasy atap ótkendei, ekonomikanyń 60-70 paiyzy shet elderdegidei jeke qolda bolýy tiis. Buǵan qol jetkizý úshin biz jumys istep turǵan biznesti qorǵap qana qoimai, bolashaq kásipkerlerge jaily, turaqty jáne sybailas jemqorlyqtan taza kásipkerliktiń barlyq jaǵdailary bar ekenin jáne jyl saiyn tek jaqsara túsetinin kórsetýimiz kerek», – dep málimdedi investorlarmen kezdesýde A.Shpekbaev.
Agenttik basshysy Jáńgir han atyndaǵy Batys Qazaqstan agrarlyq-tehnikalyq ýniversitetinde, servis jáne jańa tehnologiialar kolledjinde bolyp, sondai-aq geoportaldy damytýǵa, mobildi qosymshalar arqyly memlekettik qyzmetterdi tsifrlandyrýǵa jáne oblys ákimdigine servistik úlgini engizýge belsendi qatysatyn «Aqjaiyq – adaldyq alańy» jobalyq keńsesiniń qyzmetine den qoidy.
Ata-analary bas tartqan erekshe qajettilikteri bar balalar da nazardan tys qalmady. A.Shpekbaev pen qoǵam ókilderi Kóshim arnaýly áleýmettik qyzmet kórsetý ortalyǵyna baryp, olardyń qalai ómir súrip jatqanyna qanyqty.
Batys Qazaqstan oblysyna eki kúndik jumys saparyn azamattyq sektor ókilderimen, oblys aktivimen, biznes qoǵamdastyǵy jáne jýrnalistermen kezdesýmen qorytyndylaǵan A.Shpekbaev sybailas jemqorlyqqa qarsy zańnamanyń ózekti máseleleri men agenttiktiń bir jyldaǵy jumysy týraly egjei-tegjeili aityp berdi.
Kezdesý barysynda spiker: «Qazirgi ýaqytta Prezidenttiń sybailas jemqorlyqqa qarsy reformalarynyń úshinshi paketin Májilis maquldap, Senatqa berdi. Bul – jemqorlarǵa aitarlyqtai áser etetin eń myqty túzetýler. Atap aitqanda, sheneýnikter úshin sheteldik bankterdegi shottarǵa tyiym salynady, aýyr jáne asa aýyr sybailas jemqorlyq qylmystary boiynsha shartty túrde merziminen buryn bosatý joiylady. Al quqyq qorǵaý organdarynyń qyzmetkerleri men sýdialar budan bylai laýazymdy tulǵalardyń basqa sanattaryna qatysty sybailas jemqorlyq qylmysy úshin kóbirek jaza alatyn bolady», – dep málimdedi.
Azamattyq qoǵam ókilderiniń negizgi máseleleri turǵyn úi alý, halyqqa áleýmettik járdemaqy berý, jumysqa ornalastyrý jáne kásipkerlikke qatysty boldy.
Alik Shpekbaev qabyldaýǵa kelgen ár turǵyndy tyńdap, azamattardyń túitkildi máselelerin sheshý boiynsha tiisti jaýaptar men tapsyrmalar berdi.
