Elimizde aldaǵy 5 jyldyń ishinde jańa elektr stantsiialaryn salý josparlanyp otyr. Bul týraly QR Energetika ministri Maǵzum Myrzaǵaliev aityp berdi, dep habarlaidy QazAqparat.
«Elimizde aldaǵy 5 jyl ishinde 3 myń megavatt generatsiiasy bar jańa stansalar salýdy josparlap otyrmyz. Bul - úlken kólemdi joba jáne ol energetika salasyndaǵy yqtimal táýekelderdi joiýǵa múmkindik beredi. Men tek 3 myń megavatt gaz generatsiiasy týraly aityp otyrmyn. Gaz energetikasynan bólek, qýatty JEK (jańartylatyn energiia kózderi) jelisin iske qosý josparlanǵan. Jalpy 2025 jylǵa qarai eldiń energiia teńgerimindegi JEK kólemi 3%-dan 6%-ǵa jetedi dep boljam jasalyp otyr. Al 2030 jylǵa qarai keminde 15%-ǵa jetpek», - dedi Maǵzum Myrzaǵaliev Úkimet úiinde onlain ótken baspasóz máslihatynda.
Sonymen qatar ministr elimizde elektr energiiasyn óndirý men tutyný kóleminiń artqanyn aitty.
«Bir jyldyń ishinde elektr energiiasyn óndirý men tutyný 7% -ǵa óskeni baiqalady. Bul - óte úlken kórsetkish. Osy oraida qazir biz birqatar sheshimder qabyldaýymyz kerek. Birinshiden, ulttyq operatorlar, aitar bolsaq KEGOC-qa otyn energetikasy tapshylyǵy týyndaǵan sátte ony qoldanýdy azaitý nemese shekteý quqyǵy berilýi tiis. Ekinshiden, elimizde maining naryǵyn damytý kerek, bul - ýaqyt talaby», - deidi ol.
