Qazaqstanda osy ýaqytta koronavirýstan 3 180 adam em qabyldap jatyr, dep habarlaidy "Ult aqparat" QR Densaýlyq saqtaý ministrliginiń Telegram kanalyna silteme jasap.
Ondaǵy málimetterge qaraǵanda, emdelip jatqandardyń arasynda 70 sábi bar. Statsionarlarda 1 851 naýqas jatyr. 1 329 adam ambýlatoriialyq jaǵdaida emdelýde.
«Jalpy naýqastardyń arasynda 86 adamnyń densaýlyq jaǵdaiy nashar. Sonyń ishinde 14 naýqastyń ahýaly asa aýyr dep baǵalanýda. 16 naýqas ókpeni jasandy jeldetý apparatynda jatyr», - delingen habarlamada.
