Qazaqstanda temeki satyp alatyn jastarǵa shekteýler kúsheitildi, dep habarlaidy "Ult aqparat".
Bul norma búgin Parlament Májilisiniń jalpy otyrysynda ekinshi oqylymda maquldanǵan «Halyq densaýlyǵy jáne densaýlyq saqtaý júiesi týraly» Qazaqstan Respýblikasy Kodeksiniń jobasynda qamtylǵan.
«Qoǵam men depýtattar arasynda qyzý talqylanǵany - temeki tartýǵa qatysty profilaktikalyq ári shekteý máselelerine boiynsha normalar boldy. Depýtattardyń túzetýlerimen temeki satyp alý úshin jas aralyǵy shekteýi 18-den 21 jasqa deiin joǵarylady», - dedi depýtat Zaýresh Amanjolova.
Sonymen qatar, zań jobasynda ónimdegi nikotinniń quramy boiynsha jyl saiyn zertteýler júrgizý bóliginde temeki ónimderin óndirýshiler men importtaýshylardy mindetteitin normalar belgilengen. Olar zertteý nátijeleri týraly esepti ókiletti organǵa usynady.
