Sýret: Informburo.kz
Eńbek jáne halyqty áleýmettik qorǵaý ministri Tamara Dúisenova Qazaqstanda zeinetaqy tólemderin qalai arttyrý josparlanyp otyrǵanyn aitty, - dep habarlaidy Tengrinews.kz portaly.
"2023 jyldyń 1 qańtarynan bastap 2027 jylǵa deiin eń tómengi bazalyq zeinetaqynyń mólsherin eń tómengi kúnkóris deńgeiiniń 54-ten 70 paiyzǵa deiin, eń joǵary - 100-den 120 paiyzǵa deiin arttyrý josparlanyp otyr", - dedi Dúisenova.
Onyń aitýynsha, osy kezeńde bazalyq zeinetaqy mólsheri orta eseppen 51 paiyzǵa deiin ósedi. Bul rette bazalyq zeinetaqynyń ortasha mólsheriniń jyl saiynǵy ósýi shamamen 13 paiyzdy qurap, eki million zeinetkerge áser etedi.
"2023 jylǵy 1 qańtardan bastap yntymaqty zeinetaqyny esepteý úshin eń joǵary tabys mólsherin jańadan kiretin zeinetkerler úshin 46-dan 55 AEK-ke deiin ulǵaitý jospary bar. Usynylǵan sharalar 2025 jylǵa qarai jiyntyq zeinetaqyny orta eseppen 27 paiyzǵa arttyrýǵa múmkindik beredi (úsh jyl ishinde 109 myńnan 138 myńǵa deiin. - Shamamen.)", - dep qosty ministr.
