Foto ashyq derekkózden alyndy
Almaty men respýblika boiynsha 2023 jyldan bastap mektep formasyna talaptar ózgerdi. Mektep formasy buǵan deiingidei bilim berýdiń zaiyrly sipatyna sai bolady, biraq belgili bir ózgerister paida boldy, - dep habarlaidy Tengrinews.kz saity.
Almatydaǵy óńirlik kommýnikatsiialar qyzmetiniń onlain brifinginde Almatynyń bilim basqarmasy rýhani-adamgershilik tárbie bóliminiń basshysy Nurgúl Taý oqý-aǵartý ministriniń 2022 jylǵy 30 jeltoqsanda qol qoiǵan buiryǵyn túsindirdi.
Qyzdarǵa da, uldarǵa da mektep formasyna túimeleri nemese sydyrmasy bar trikotaj kardigan/kúrte, polo jeide nemese tenniska qosylǵan.
Er balalarǵa arnalǵan mektep formasy:
• pidjak, jeletke, shalbar, merekelik jeide, kúndelikti jeide ne túimeleri bar nemese sydyrmaly toqylǵan kúrte/kardigan, polo jeide nemese tenniska (qys mezgilinde: trikotaj jilet, vodolazka). Uldarǵa arnalǵan shalbarlar erkin tigilgen jáne uzyndyǵy boiynsha tobyqty jaýyp turady.
Qyz balalarǵa arnalǵan mektep formasy:
• pidjak, jilet, beldemshe, shalbar, klassikalyq jeide ne túimeleri bar nemese sydyrmaly toqylǵan kúrte/kardigan, polo jeide nemese tenniska (qysqy ýaqytta: trikotaj jilet, sarafan, vodolazka). Qyzdarǵa arnalǵan shalbarlar erkin tigilgen jáne uzyndyǵy boiynsha tobyqty jaýyp turady.
"Merekelik formaǵa (uldarǵa aq jeide, qyzdarǵa aq blýzka) qoiylatyn talap alyp tastaldy. Sonymen birge, galstýk taǵý endi mindetti emes. Mektep formasyna orta bilim berý uiymynyń erekshelik belgilerin (belgiler, tigispeler, shevron jáne basqa) ornalastyrýǵa ruqsat etiledi. Mektep formasyna arnalǵan matalar retinde sapasy jaqsartylǵan, tez tozbaityn, bakteriiaǵa qarsy, mikrobqa qarsy jáne antistatikalyq qasietteri bar jartylai jún jáne maqta matalardy qoldanǵan jón", - delingen habarlamada.
Buryn bul mindetti talap bolatyn. 2023 jyldan bastap Almatyda jáne respýblika boiynsha mektep formasyna qoiylatyn talaptar ózgerdi.
