فوتو اشىق دەرەككٶزدەن الىندى
الماتى مەن رەسپۋبليكا بويىنشا 2023 جىلدان باستاپ مەكتەپ فورماسىنا تالاپتار ٶزگەردٸ. مەكتەپ فورماسى بۇعان دەيٸنگٸدەي بٸلٸم بەرۋدٸڭ زايىرلى سيپاتىنا ساي بولادى, بٸراق بەلگٸلٸ بٸر ٶزگەرٸستەر پايدا بولدى, - دەپ حابارلايدى Tengrinews.kz سايتى.
الماتىداعى ٶڭٸرلٸك كوممۋنيكاتسييالار قىزمەتٸنٸڭ ونلاين بريفينگٸندە الماتىنىڭ بٸلٸم باسقارماسى رۋحاني-ادامگەرشٸلٸك تەربيە بٶلٸمٸنٸڭ باسشىسى نۇرگٷل تاۋ وقۋ-اعارتۋ مينيسترٸنٸڭ 2022 جىلعى 30 جەلتوقساندا قول قويعان بۇيرىعىن تٷسٸندٸردٸ.
قىزدارعا دا, ۇلدارعا دا مەكتەپ فورماسىنا تٷيمەلەرٸ نەمەسە سىدىرماسى بار تريكوتاج كارديگان/كٷرتە, پولو جەيدە نەمەسە تەننيسكا قوسىلعان.
ەر بالالارعا ارنالعان مەكتەپ فورماسى:
• پيدجاك, جەلەتكە, شالبار, مەرەكەلٸك جەيدە, كٷندەلٸكتٸ جەيدە نە تٷيمەلەرٸ بار نەمەسە سىدىرمالى توقىلعان كٷرتە/كارديگان, پولو جەيدە نەمەسە تەننيسكا (قىس مەزگٸلٸندە: تريكوتاج جيلەت, ۆودولازكا). ۇلدارعا ارنالعان شالبارلار ەركٸن تٸگٸلگەن جەنە ۇزىندىعى بويىنشا توبىقتى جاۋىپ تۇرادى.
قىز بالالارعا ارنالعان مەكتەپ فورماسى:
• پيدجاك, جيلەت, بەلدەمشە, شالبار, كلاسسيكالىق جەيدە نە تٷيمەلەرٸ بار نەمەسە سىدىرمالى توقىلعان كٷرتە/كارديگان, پولو جەيدە نەمەسە تەننيسكا (قىسقى ۋاقىتتا: تريكوتاج جيلەت, سارافان, ۆودولازكا). قىزدارعا ارنالعان شالبارلار ەركٸن تٸگٸلگەن جەنە ۇزىندىعى بويىنشا توبىقتى جاۋىپ تۇرادى.
"مەرەكەلٸك فورماعا (ۇلدارعا اق جەيدە, قىزدارعا اق بلۋزكا) قويىلاتىن تالاپ الىپ تاستالدى. سونىمەن بٸرگە, گالستۋك تاعۋ ەندٸ مٸندەتتٸ ەمەس. مەكتەپ فورماسىنا ورتا بٸلٸم بەرۋ ۇيىمىنىڭ ەرەكشەلٸك بەلگٸلەرٸن (بەلگٸلەر, تٸگٸسپەلەر, شەۆرون جەنە باسقا) ورنالاستىرۋعا رۇقسات ەتٸلەدٸ. مەكتەپ فورماسىنا ارنالعان ماتالار رەتٸندە ساپاسى جاقسارتىلعان, تەز توزبايتىن, باكتەريياعا قارسى, ميكروبقا قارسى جەنە انتيستاتيكالىق قاسيەتتەرٸ بار جارتىلاي جٷن جەنە ماقتا ماتالاردى قولدانعان جٶن", - دەلٸنگەن حابارلامادا.
بۇرىن بۇل مٸندەتتٸ تالاپ بولاتىن. 2023 جىلدان باستاپ الماتىدا جەنە رەسپۋبليكا بويىنشا مەكتەپ فورماسىنا قويىلاتىن تالاپتار ٶزگەردٸ.
