Elimizde 2018 jyldyń sońyna deiin eńbek kitapshalary qoldanystan shyǵady. Endi qaǵaz eńbek kitapshasy elektrondyq formatqa kóshedi, dep habarlaidy Baq.kz agenttigi.
Qazaqstanda e-HR júiesi birtindep engizilip jatyr. 2019 jylǵa qarai jumysqa ornalasý barysynda eńbek kelisimsharttary onlain rejimde jasalatyn bolady.
«Búgingi tańda jumys berýshi men jumys izdeýshi arasynda iskerlik qarym-qatynastardy osylai rásimdeý ádisi asa mańyzdy, sebebi qazir kóbi bir-birimen qashyqtyqtan áriptestik ornatady. Jaqynda jumysqa ornalasý úshin tek jeke kýálik qana kerek bolady, al qalǵan qujattar bazada saqtalady», - dedi Eńbek jáne halyqty áleýmettik qorǵaý ministrliginiń baspasóz qyzmeti.
Baspasóz qyzmetiniń málimetinshe, búgingi tańda bul fýnktsiia enbek.kz saityndaǵy mańyzdy jańashyldyqtardyń biri sanalady. Máselen, elektrondyq eńbek birjasynda tsifrlyq formatta jumysker profili júrgizilip, eńbek kelisimsharttary bekitilip otyratyn bolady.
Eńbek ministrliginiń ókilderi jumys berýshilerge jeke elektrondyq ister qalyptastyrýdy usynyp otyr. Adamdar jumysqa ornalasqan kezde qujattaryn usynady, onymen qosa, jumyskerlerdiń ruqsatymen olardyń JSN-derin biryńǵai bazaǵa jiberý usynylýda. Bunyń nátijesinde jumys berýshi kýálandirilgen elektrondyq aqparatty, iaǵni jeke tsifrlyq isti ala alady. Odan keiin jumyskerlerdiń quzyretterin onlain-rejimde rastaýǵa múmkindik bolady.
QR Eńbek jáne halyqty áleýmettik qorǵaý vitse-ministri Nariman Muqushevtiń aitýynsha, elektrondyq júie qaǵazbastylyqty umytyp, eńbek kitapshalarynan bas tartýǵa múmkindik beredi.
«Nátijesinde, qazaqstandyqtar jumysqa tek jeke kýáligi arqyly ornalasa alatyn bolady. Diplom, meditsinalyq anyqtama siiaqty basqa qajetti qujattar málimetter bazasynda turady. Sondai-aq, bul format jumystan shyǵyp qalǵan adamdy elektrondyq eńbek birjasyna avtomatty túrde ornalastyrýǵa múmkindik beredi», - dedi Muqushev.
Biyl pilottyq joba búkil Qazaqstan boiynsha iske qosylady. Bul júzege asyp jatqan júieniń tiimdiligin tekserý úshin qajet. Al elektrondyq eńbek kelisimsharttaryn rásimdeýge 2019 jylǵa qarai tolyq kóshý josparlanyp otyr.
