Qazaqstandaǵy 200-den astam mektepte «Mekteptegi shahmat» baǵdarlamasy iske qosyldy, dep habarlaidy "Ult aqparat" Shahmat federatsiiasynyń baspasóz qyzmetine silteme jasap.
Búgin Qazaqstan boiynsha 80 qala men aýyldaǵy 160 mektepte «Mekteptegi shahmat» baǵdarlamasy iske qosyldy. Qazirgi tańda baǵdarlama 205 mektepte engizilip otyr. Onda 15 myń bala shahmat oinaýdy úirenedi.
«Búginnen bastap qosymsha 160 mektepte Qazaqstan shahmat federatsiiasynyń ádistemelik quraldary boiynsha shahmat oiyny úiretile bastaidy», - deidi joba menedjeri Saltanat Noǵaibalanova.
40 mektep oqytýǵa arnalǵan tehnikamen tolyqtai jabdyqtalady. Baǵdarlamany 2017 jyly Qazaqstan shahmat federatsiiasy iske qosty. Ol kezde shahmat Almaty, Pavlodar men Qyzylorda mektepterinde pán retinde engizilip, 100-den astam oqýshy úirene bastaǵan edi. 2018 jyly baǵdarlamaǵa Shymkentten qosymsha 26 mektep pen 1000-nan astam oqýshy qosyldy. Al biyl tizim taǵy 160 mekteppen jáne 13 000 oqýshymen tolyqty.
Búginde Almaty, Nur-Sultan, Pavlodar, Ekibastuz, Qyzylorda, Shymkent, Kókshetaý, Aqtóbe, Atyrý, Jezqazǵan, Qaraǵandy, Temirtaý, Qarqaraly, Qostanai, Aqtaý, Petropavl, Arys, Temir, Shý qalalarynda, sondai-aq, 61 aýyl mektebinde shahmat oiyny úiretiledi.
