© AP Photo / Pavel Mikheyev
Qazaqstan halqynyń sany 20 millionǵa jetti. Bul týraly Memleket basshysy Qasym-Jomart Toqaev málimdedi, - dep habarlaidy "Ult aqparat".
"Halqymyzdyń sany 20 millionǵa jetti! Barshańyzdy aqjoltai jańalyqpen quttyqtaimyn! Baqytty otbasy – baqýatty eldiń negizi. Memleket otbasy qundylyqtaryn nyǵaitýǵa, ana men balany qorǵaýǵa basa mán beredi", - dep jazdy Prezident áleýmettik jelidegi paraqshasynda.
Aita keteiik, buǵan deiin Ulttyq statistika biýrosy 2021 jylǵy sanaq qorytyndysy boiynsha qazaqtardyń úlesi 70,4%-ke deiin óskenin habarlaǵan edi.
2021 jylǵy sanaq qorytyndysy boiynsha qazaqtar sany 13,4 mln adamdy quraǵan, 2009 jyldan bergi ósim – 33,7% (10 mln – 2009 jyly), jalpy halyq sanyndaǵy qazaqtardyń úlesi 63,1%-dan 70,4%-ǵa deiin ósti.
Sondai-aq, sany kóp ulttar qataryna orystar – 2,9 mln adam, ózbekter – 614 myń adam, ýkraindar – 387 myń adam jáne uiǵyrlar – 290 myń adam kirdi.
