Elimizde sońǵy jyldary 18 kolledj jabyldy. Bul týraly QR BǴM Tehnikalyq jáne kásiptik bilim berý departamentiniń direktory Nasymjan Ospanova málim etti, dep habarlaidy QazAqparat.
«Sońǵy jyldary elimiz boiynsha 18 kolledj jabyldy. Olardyń jabylý sebebi litsenziiamen bailanysty emes, kolledjderdi ońtailandyrý maqsatynda osyndai shara qoldanyldy. Iaǵni keibir kolledjderdiń qyzmetin qaita qaraý kerek boldy. Negizinen bul shara jeke kolledjderge qatysty boldy», - dedi Nasymjan Ospanova OKQ-de ótken brifingide.
Departament basshysynyń málimdeýinshe, kolledjderde bilim berý sapasyn arttyrý maqsatynda birqatar shara iske asyryldy.
«Aldymen bilim baǵdarlamasyn ázirleýde kolledjderge akademiialyq erkindik berildi. Bilim baǵdarlamasyn zaman men naryqtyń suranysyna sai etip daiyndaý kerek. Árine, bilim berý týraly zańnyń sheńberinde ázirlenedi. Endigi ýaqytta oqý orny jumys berýshimen, bilim berý baǵdarlamasyn naqty mamandyq pen qajetti bilim-bilikti negizge ala otyryp birlesip ázirleidi. Sodan soń atalǵan bilim berý baǵdarlamasy saraptamadan ótip, keiin baǵdarlamalar reestrine tirkeledi», - deidi ol.
Onyń aitýynsha, atalǵan jańashyldyqty iske asyrý bastalyp ketti, onyń alǵashqy nátijesi biyl qyrkúiekte daiyn bolady.
