Qazaqstanda 17 jyldyń ishinde jol apaty saldarynan 49 myń adam qaza tapty. Bul týraly QR Indýstriia jáne infraqurylymdyq damý ministrliginiń Avtomobil joldary komitetine qarasty «Jol aktivteri ulttyq sapa ortalyǵy» RMK bas direktory Zamir Saǵynov aitty, dep habarlaidy "Ult aqparat".
«Álemde jyl saiyn jol apatynan 1 mln 350 myńnan astam adam qaza tabady. Bul kún saiyn 3,5 myńnan astam adamnyń ómirimen qosh aitysatynyn bildiredi. Buǵan qosa, jyl saiyn 25 mln adam túrli dene jaraqatyn alyp jatady», - dedi ol Ortalyq kommýnikatsiialar qyzmetindegi baspasóz máslihatynda.
Ortalyq bas direktorynyń málimetine qaraǵanda, sońǵy 17 jyldyń ishinde elimizde 270 myń jol-kólik apaty oryn alyp, saldarynan 49 myńnan astam adam kóz jumǵan.
Al túrli dárejede dene jaraqatyn alǵan adam sany 300 myńnan asyp jyǵylady.
«Ókinishke qarai, jol apatynan qaza tapqandardyń 50 paiyzy - jastar», - dedi Zamir Saǵynov.
