22 qazandaǵy jaǵdai boiynsha elimizde 15,8 mln ga dándi jáne dándi-burshaqty daqyl nemese jalpy jinaý alańynyń 99,7% jinaldy, dep habarlaidy "Ult aqparat" ministrliktiń baspasóz qyzmetine silteme jasap.
Ortasha ónimdilik gektaryna 10,2 tsentnerdi qurap, 16,1 mln tonna ónim bastyryldy, onyń 11,8 mln tonnasy bidai.
Sondai–aq 1,6 mln tonna maily daqyldar, 3,8 mln tonna kartop, 4,6 mln tonna kókónis daqyldary, 2,6 mln tonna baqsha daqyldary jinaldy.
Negizgi astyq egetin óńirler - Aqmola, Qostanai jáne Soltústik Qazaqstan oblystarynda 11,6 mln ga jinaldy, bul olardyń jalpy jinaý alańynyń 100% - yn quraidy. Ortasha ónimdilik 8,8 tsentrdi qurap, 10,1 mln tonna bastyryldy.
Egin jinaý jumystaryn ýaqytyly júrgizý úshin AShTÓ-ge 396,5 myń tonna jeńildetilgen dizel otyny bólindi. Energetika ministrligimen birlesip, oblys operatorlaryn MÓZ-ge bekitý kestesi bekitildi. 2021 jylǵy 22 qazandaǵy jaǵdai boiynsha shilde-qazan ailarynyń kestesindegi 396,5 myń tonnanyń 370,1 myń tonnasy (93%) tieldi.
Respýblikadaǵy astyq saqtaýdyń jalpy syiymdylyǵy 29,4 mln tonnany quraidy, onyń ishinde astyq qabyldaý kásiporyndary 12,8 mln tonna, aýyl sharýashylyǵy óndirýshileri 16,6 mln tonna. 15 qazandaǵy jaǵdai boiynsha 3,5 mln tonna astyq saqtaýǵa jóneltildi.
Jalpy egin jinaý boljanǵan kólemde aiaqtaldy. Jinalǵan daqyl sapasynyń joǵary kórsetkishterin atap ótken jón. Aýyl sharýashylyǵy ministrliginiń boljamy boiynsha qalǵan kólem qazan aiynyń sońyna deiin jinalady.
