23 maýsymda 1496 adamnyń analizinen koronavirýs anyqtaldy. Eki kún buryn 81 adam koronavirýs pnevmoniiasyna shaldyqqan. 8 adam qaitys bolǵan: 7 adam - koronavirýstan, 1 adam koronavirýs pnevmoniiasynan kóz jumdy dep aitylady.
Qazaqstanda koronavirýs juqtyrǵandar qaita kóbeiip jatyr. Densaýlyq saqtaý salasynyń mamandary osy aptada Nur-Sultan men Almatyda koronavirýstyń jyldam taraityn túri – "úndistandyq shtamm" anyqtalǵanyn habarlaǵan. Elde karantin sharalary birtindep kúsheiip jatyr.
Sársenbi kúni Nur-Sultanda – 568, Almatyda – 186, Qaraǵandy oblysynda – 145, Aqmola oblysynda – 36, Almaty oblysynda – 37, Pavlodar oblysynda – 40, Batys Qazaqstan oblysynda 91 adamnan koronavirýs anyqtaldy. Shymkentte – 47, Atyraý oblysynda – 60, Shyǵys Qazaqstan oblysynda – 78, Jambyl oblysynda – 21, Aqtóbe oblysynda – 40, Qostanai oblysynda – 30, Qyzylorda oblysynda – 29, Mańǵystaý oblysynda – 36, Soltústik Qazaqstan oblysynda – 25, Túrkistan oblysynda 27 naýqas tirkelgen.
2020 jyldyń naýryz aiynan beri elde 413 267 adamnyń koronavirýs testi oń shyqqan. 4268-i qaitys bolǵan. Buǵan qosa, koronavirýs pnevmoniiasyna shaldyqqandar 56 708 adamǵa jetti. 3432-i kóz jumǵan dep aitylady. Elde koronavirýs pen koronavirýs pnevmoniiasyna shaldyqqandar bólek esepteledi. Biraq halyqaralyq uiymdardyń saitynda eki kórsetkish biriktirilgen.
Qazir 22 098 adam koronavirýstan emdelip jatyr. (20 myńnan astamynyń PTR testi oń shyqqan). Statsionarda 6588 adam emdelip jatyr. 15 510 adam ambýlatorlyq jaǵdaida emdelip júr. 408 adamnyń jaǵdaiy aýyr, 95 patsienttiń jaǵdaiy óte aýyr, 72 adam jasandy tynys apparatyna qosylǵan.
Qazaqstanda 2 mln 920 myń adam koronavirýsqa qarsy vaktsinanyń keminde bir dozasyn alǵan. 1 mln 793 myńy eki dozasyn alǵan. Azamattarǵa reseilik "Spýtnik V", qazaqstandyq QazVac jáne qytailyq Sinopharm jáne "Sinovac Biotech Ltd" kompaniiasynyń CoronaVac (Sinovac) vaktsinasy egilip jatyr.
Amerikalyq Djons Hopkins ýniversitetiniń dereginshe, indet bastalǵaly beri álemde 179 mln 539 myń adamnan koronavirýs anyqtalǵan. 3 mln 890 myń adam qaitys bolǵan.
