QR Tsifrlyq damý, innovatsiialar jáne aeroǵarysh ónerkásibi vitse-ministri Ashat Orazbek qazaqstandyq internet-segmentte qansha domen tirkelgenin aityp berdi, dep habarlaidy QazAqparat.
Parlament Májilisinde Halyqaralyq ister, qorǵanys jáne qaýipsizdik komiteti «Qazaqstannyń kiberqalqany» tujyrymdamasyn iske asyrýdyń ózekti máseleleri» taqyrybynda keńeitilgen otyrys ótkizgen bolatyn.
«Qazirgi ýaqytta qazaqstandyq internet-segmentte 156 myńǵa jýyq domendik ataýlar tirkelgen, onyń 86,5 myńy belsendi jáne paidalanýshylar úshin qoljetimdi. Ol memlekettik, jeke aqparat, media jáne basqa da saittar. Sondai-aq Qazaqstanda domendik ataýlardy tirkeýmen ainalysa alatyn 12 kompaniia tirkelgen. Aqparattyq qaýipsizdik salasynda mamandar daiarlaityn 8 oqý orny, 25 arnaiy orta oqý orny bar», - dedi Orazbek Májilis komitetiniń otyrysynda.
Vitse-ministr atap ótkendei, «Qazaq torap aqparat ortalyǵy» eldegi domendik ataýdy qoldaý jónindegi menedjer bolyp sanalady.
«KZ» keńistiginde domendik attardyń ákimshisi bolǵan qazaqstandyq IT-kompaniialar qaýymdastyǵy da domendi damytý jumystarymen ainalysady.
«Aqparattyq qaýipsizdik jónindegi ýákiletti organ tutas keńistikte erejelerdi ornatýmen, memlekettik saiasatty qalyptastyrýmen jáne internet jelisiniń qazaqstandyq segmentiniń qaýipsiz jumys isteýin qamtamasyz etýmen ainalysady», - dep tolyqtyrdy Orazbek.
