قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ ۆيتسە-مينيسترٸ اسحات ورازبەك قازاقستاندىق ينتەرنەت-سەگمەنتتە قانشا دومەن تٸركەلگەنٸن ايتىپ بەردٸ, دەپ حابارلايدى قازاقپارات.
پارلامەنت مەجٸلٸسٸندە حالىقارالىق ٸستەر, قورعانىس جەنە قاۋٸپسٸزدٸك كوميتەتٸ «قازاقستاننىڭ كيبەرقالقانى» تۇجىرىمداماسىن ٸسكە اسىرۋدىڭ ٶزەكتٸ مەسەلەلەرٸ» تاقىرىبىندا كەڭەيتٸلگەن وتىرىس ٶتكٸزگەن بولاتىن.
«قازٸرگٸ ۋاقىتتا قازاقستاندىق ينتەرنەت-سەگمەنتتە 156 مىڭعا جۋىق دومەندٸك اتاۋلار تٸركەلگەن, ونىڭ 86,5 مىڭى بەلسەندٸ جەنە پايدالانۋشىلار ٷشٸن قولجەتٸمدٸ. ول مەملەكەتتٸك, جەكە اقپارات, مەديا جەنە باسقا دا سايتتار. سونداي-اق قازاقستاندا دومەندٸك اتاۋلاردى تٸركەۋمەن اينالىسا الاتىن 12 كومپانييا تٸركەلگەن. اقپاراتتىق قاۋٸپسٸزدٸك سالاسىندا ماماندار دايارلايتىن 8 وقۋ ورنى, 25 ارنايى ورتا وقۋ ورنى بار», - دەدٸ ورازبەك مەجٸلٸس كوميتەتٸنٸڭ وتىرىسىندا.
ۆيتسە-مينيستر اتاپ ٶتكەندەي, «قازاق توراپ اقپارات ورتالىعى» ەلدەگٸ دومەندٸك اتاۋدى قولداۋ جٶنٸندەگٸ مەنەدجەر بولىپ سانالادى.
«KZ» كەڭٸستٸگٸندە دومەندٸك اتتاردىڭ ەكٸمشٸسٸ بولعان قازاقستاندىق IT-كومپانييالار قاۋىمداستىعى دا دومەندٸ دامىتۋ جۇمىستارىمەن اينالىسادى.
«اقپاراتتىق قاۋٸپسٸزدٸك جٶنٸندەگٸ ۋەكٸلەتتٸ ورگان تۇتاس كەڭٸستٸكتە ەرەجەلەردٸ ورناتۋمەن, مەملەكەتتٸك ساياساتتى قالىپتاستىرۋمەن جەنە ينتەرنەت جەلٸسٸنٸڭ قازاقستاندىق سەگمەنتٸنٸڭ قاۋٸپسٸز جۇمىس ٸستەۋٸن قامتاماسىز ەتۋمەن اينالىسادى», - دەپ تولىقتىردى ورازبەك.
