15 myńnan astam sheteldik azamat Qazaqstanda eńbek etip júr, dep habarlaidy "Ult aqparat" Eńbek jáne halyqty áleýmettik qorǵaý ministrligine silteme jasap.
2021 jylǵy 1 maýsymdaǵy jaǵdai boiynsha 15 668 sheteldik azamat jergilikti atqarýshy organdardyń ruqsaty boiynsha Qazaqstan aýmaǵynda eńbek qyzmetin júzege asyrýda.
Sheteldik jumys kúshin tartýǵa berilgen ruqsattyń ishinde mynadai sanattar bar:
birinshi sanat – 667 (basshylar jáne olardyń orynbasarlary)
ekinshi sanat – 3 260 (qurylymdyq bólimshelerdiń basshylary).
Tartylǵan jumys kúshiniń negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tiisinshe 7 592 adam jáne 517 adam.
Sondai-aq maýsymdyq jumystarǵa – 1 825 adam, al korporativtik aýystyrý sheńberinde – 1 807 adam tartylǵan.
Qazirgi ýaqytta Qazaqstanda sheteldik jumys kúshin paidalanatyn 1 782 jumys berýshi bar.
Onda shamamen 483 myń Qazaqstan azamaty jumys isteidi, bul - jalpy jumysshylar sanynyń 97 paiyzy.
Eńbekshi migranttar shyǵatyn negizgi elder: Qytai – 3 689 adam, Ózbekstan – 1 887 adam, Túrkiia – 1 679 adam, Úndistan – 1 090 adam, Ulybritaniia – 959 adam.
Esterińizge sala keteiik, ishki eńbek naryǵyn qorǵaý maqsatynda QR Eńbek jáne halyqty áleýmettik qorǵaý ministrligi jyl saiyn elimizge sheteldik mamandardy tartýǵa arnalǵan kvota belgileidi.
2021 jyly kvota mólsheri - jumys kúshine shaqqanda 0,31% nemese 29,3 myń.
