10 aqpandaǵy jaǵdai boiynsha 13 301 meditsina qyzmetkeri ekpe aldy. Bul týraly Densaýlyq saqtaý ministri Aleksei Tsoi aityp berdi, dep habarlaidy "Ult aqparat".
«Memleket basshysynyń tapsyrmasymen Qazaqstan Respýblikasynda 2021 jyly 1 aqpanda Reseide shyǵarylǵan «Gam-Kovid-VAK» (Spýtnik V) vaktsinasymen KVI-ge qarsy vaktsinatsiialaý bastaldy. Vaktsinatsiia barlyq óńirde júrýde, 778 egý pýnkti ashyldy, olardyń 166-sy qazir iske qosyldy, barlyǵy tońazytqyshpen qamtamasyz etilgen. 9 myńnan astam meditsina qyzmetkeri oqytyldy. 10 aqpandaǵy jaǵdai boiynsha 13 301 adamǵa ekpe egildi», - dedi ministr QR Prezidenti janyndaǵy Ortalyq kommýnikatsiialar qyzmetinde ótken brifingide.
Vaktsinatsiiany birinshi bolyp infektsiialyq statsionar, jedel meditsinalyq kómek, sondai-aq KVI-men syrqattanýdyń joǵary qaýpi bar basqa da beiindegi meditsina qyzmetkerleri alady. Odan keiin qatarǵa pedagog, kúsh qurylymdarynyń qyzmetkerleri qosylady.
Vaktsinatsiianyń qorǵaý áseri birinshi dozadan soń 12-14 kúnnen keiin baiqalady, biraq tolyq immýnitet qalyptasý úshin eki doza qajet, ekpeni araǵa 21 kún salyp qaitalaý usynylady. Tolyq kýrstan keiin 1,5 ai ishinde organizmde immýndyq reaktsiia paida bolady, osyǵan bailanysty egilgen adamdar profilaktika sharalaryn saqtaýy qajet.
«Vaktsinatsiialaý jospary birneshe ret aityldy. Qazaqstanda Qaraǵandy farmatsevtikalyq kesheni shyǵaratyn «Spýtnik V» vaktsinasyn jetkizý jáne paidalaný josparlanýda. Qazirdiń ózinde 90 myń doza kóleminde birinshi partiianyń óndirisi bastaldy, ol Biryńǵai distribiýtordyń qoimalaryna jáne odan ári óńirlerge aqpan aiynyń sońyna qarai jóneltiledi. Shilde aiyna deiin óndiris kólemi 2 mln dozaǵa jetedi», - dedi ministr.
