2020 jylǵy 30 qyrkúiekte COVID-19 jáne pnevmoniiamen aýyratyn 12 830 meditsina qyzmetkeri tirkeldi. Bul týraly Ortalyq kommýnikatsiialar qyzmeti alańynda «QR DSM ózekti máseleleri: Pandemiia kezindegi meditsinalyq kómektiń qol jetimdiligi týraly» taqyrypta ótken onlain brifingte aityldy, dep habarlaidy QazAqparat.
«2020 jylǵy 30 qyrkúiekte COVID-19 jáne pnevmoniiamen aýyratyn 12 830 meditsina qyzmetkeri tirkeldi. Onyń ishinde 8 339 jaǵdai kásibi qyzmetpen bailanysty. Óńirlik komissiialar 8 320 isti qarady jáne mundai jaǵdailardyń 67 paiyzyn rastady», - deidi QR Densaýlyq saqtaý ministri Aleksei Tsoi.
Onyń aitýynsha, búgingi tańda meditsinalyq qyzmetkerlerdiń 88%-y nemese aimaqtyq komissiia deńgeiinde rastalǵan jaǵdailardyń 3 454-i COVID-19 boiynsha ótemaqy aldy.
«Ókinishke qarai, pandemiia bastalǵaly Qazaqstanda 182 meditsinalyq qyzmetker kóz jumdy. Aimaqtyq komissiia 58 ótinim boiynsha koronavirýstan kóz jumǵan meditsinalyq qyzmetkerlerdiń týystaryna ótemaqy berý týraly sheshim qabyldady. Qazirgi ýaqytta 37 otbasy ótemaqy aldy, bul baǵyttaǵy jumys jalǵasýda», - deidi ol.
