Qazaqstanda jalpy quny 12 mlrd dollar bolatyn munaigaz-himiiasy jobalary iske asyrylatyn bolady. Bul týraly QR Energetika ministri Nurlan Noǵaev Tatarstandaǵy munaigaz-himiiasy forýmynda aitty, dep habarlaidy QazAqparat.
QR Energetika ministrligi baspasóz qyzmetiniń málimetinshe, Qazan qalasynda ótip jatqan forýmnyń ashylýynda sóilegen sózinde QR Energetika ministri Qazaqstan men Resei Federatsiiasy arasynda ekonomikanyń negizgi salalarynyń biri – munaigaz-himiiasy salasynda oń damý serpini baiqalatynyn atap ótti.
«Buǵan dálel retinde aǵymdaǵy jyly bizdiń iri munai-gaz kompaniialarymyz «QazMunaiGaz» AQ men «Tatneft» JAQ arasynda býtadien men onyń ónimderin shyǵarý boiynsha ózara is-qimyldyń bazalyq sharttary týraly kelisimge qol qoiý bolyp otyr», - dedi Nurlan Noǵaev.
Osy joba boiynsha investitsiialar kólemi shamamen 820 mln AQSh dollaryn quraidy, aiaqtalý merzimi – 2026 jyl. Zaýyt ónimderi Resei Federatsiiasyna, Eýropaǵa, Túrkiiaǵa jáne Qytaiǵa jetkiziledi dep josparlanýda.
Búgingi tańda Qazaqstanda hoshiisti kómirsýtekter, jaǵarmailar, polipropilen jáne benzinge arnalǵan oktan qanyqtyratyn qospalar óndiretin zaýyttar tabysty jumys isteýde. Bul zaýyttar shyǵaratyn ónim jelisi ishki naryqta joǵary suranysqa ie, sondai-aq Qytai, Resei, Ózbekstan jáne t.b. kórshi elderge eksporttalady. Sondai-aq Qazaqstanda qýattylyǵy jylyna 500 myń tonna, quny 2,6 mlrd dollardy quraityn polipropilen óndiretin zaýyttyń qurylysy júrgizilip jatyr.
Budan basqa mynadai óndiristik jobalar ártúrli damý satysynda:
- Polietilentereftalat (jylyna 1 milliard dollarǵa 430 myń tonna);
- metanol (jylyna 130 myń tonna, quny 200 million dollar);
- olefinder (jylyna 800 myń tonna/ quny 1,8 milliard dollar);
- polietilen (jylyna 1,250 million tonna/quny 7,6 milliard dollar);
- (jylyna 186 myń tonna, quny $820 mln);
- negizgi mailar (280 jylyna quny $860 mln).
Atalǵan jobalardyń jalpy quny shamamen 12 mlrd AQSh dollaryn quraidy.
«Biz osy saladaǵy jobalardy tabysty iske asyrý úshin barlyq qajetti memlekettik qoldaý sharalaryn kórsetetin bolamyz. Elbasy Nursultan Nazarbaev Qazaqstandaǵy munaigaz-himiianyń damýyna serpin berdi. Memleket Basshysy Qasym-Jomart Toqaev óz kezeginde osy baǵytty damytýǵa qatysty aldymyzǵa únemi mindetter qoiyp keledi. Qazirgi ýaqytta Úkimet munaigaz-himiia salasynda arnaiy investitsiialyq kelisim ázirleýde, onda osy salany damytýǵa investitsiialardy yntalandyrýǵa baǵyttalǵan erekshe preferentsiialar qamtylatyn bolady, - dedi QR Energetika ministri forýmnyń ashylýynda.
Tatarstanǵa jumys sapary aiasynda Nurlan Noǵaev halyqaralyq ǵylymi-praktikalyq konferentsiiaǵa qatysady, áriptesterimen jol qurylysy men qurylys salasynda munai-himiia ónimderin paidalanýdy keńeitýdi talqylaidy, sondai-aq Tatarstan Respýblikasynyń Prezidenti Rýstam Minnihanovpen kezdesedi.
