Jalpy, 2020-2025 jyldarǵa arnalǵan infraqurylymdy damytýdyń «Nurly jol» memlekettik baǵdarlamasy aiasynda 11 myń shaqyrym avtomobil jolyn aqyly etý josparlanýda, dep habarlaidy QR Indýstriia jáne infraqurylymdyq damý ministrliginiń Telegram kanaly.
Ministrlik taratqan aqparattarǵa qaraǵanda, jyl basynan beri joldarǵa aqyly júieni engizý boiynsha 30-dan astam qoǵamdyq tyńdaý ótkizildi. «QazAvtoJol» ulttyq kompaniiasy men jergilikti atqarýshy organdardyń ókilderi jáne qoǵam belsendileri birlesip, atalǵan máseleni egjei-tegjeili talqylaýda.
2021 jyldyń qańtarynan bastap Jambyl, Almaty, Qyzylorda, Atyraý, Mańǵystaý men Túrkistan oblystarynda avtomobil joldarynyń 7 ýchaskesi boiynsha 35 eldi mekende qoǵamdyq tyńdaý ótkizilgen. Ulttyq operator ókilderi júieni engizý kezeńderi, jeńildikter, tarifter, sondai-aq tólemniń artyqshylyqtary týraly halyqty habardar etti.
«Aqyly avtomobil joldary jelisin keńeitýdiń uzaq merzimdi álemdik tájiribesi Qazaqstanda óziniń tiimdiligin dáleldedi. Qazirgi tańda elimizde 4 aqyly ýchaske jumys isteýde: «Nur-Sultan – Shýchinsk», «Nur-Sultan – Temirtaý», «Almaty – Qapshaǵai» jáne «Almaty – Qorǵas». Biyl 5,8 myń shaqyrym jol aqyly bolady»,-delingen habarlamada.
Qoǵamdyq tyńdaýlar Aqmola, Pavlodar, Shyǵys Qazaqstan jáne Qostanai oblystarynda, sondai-aq Nur-Sultan qalasynda ótkiziledi dep kózdelip otyr
